اسئلة تجنن بجد تفور الدم

[center] بسم الله الرحمن


في اسئله ملهاش اي لازمه بنتعرض ليها كل يوم ... والمصيبه انها بتكون اسئله بتغيظ !!! والمصيبه الاكبر اننا خلاص اتعودنا عليها ... لغايه ما بقت خلاااااااااص اسلوب حياتنا يعنى مثلا:



انت في اوضتك ... نايم في سريرك ومتغطى ... وطافي النور يجي حد يفتح عليك الباب من العائله الكريمه ويقولك ... ايه ده انت هتنام ولا ايه ؟؟
اظن ده مش وضع رقص !! واضح طبعا اني هنام


مثلا خارج من اوضتك في امان الله و رايح تعمل اي حاجة ييجي حد من افراد الاسرة اللذيذة يقوللك ايه ده انت صاحي ؟؟؟
لا يا حبيبي بمشي و انا نايم


انتم معزومين عند ناس وأول ما وصلتوا عندهم وفتحلكوا الباب تلاقى ابنهم الصغير بيقول ... ايه ده انتوا جيتوا ؟؟؟
لأ لسه يا عنيا

انت لابس هدومك ومتأنتك وريحة برفانك جايبه للعمارة اللي جنبكوا وبتفتح باب الشقه وخلاص نازل ...تسمع حد من اهلك يقولك ... ايه ده انت خارج ولا ايه ؟؟؟
لا ابداً بجرب الباب بس ههههههههههه



مثلا ماسك سماعة التليفون وبتضرب رقم يجي حد من اهلك يقولك .... انت هتتكلم في التليفون ؟؟؟
لا بسمع صوت الحراره



ربنا هديك كده وماسك الكتاب وعمال تحفظ وتذاكر ومتحمس قوي ... تلاقي حد جاي يقولك .. ها .. انت بتذاكر؟؟
تروح رامي الكتاب في وشه وتقوله لأ ده انا معجب بس بشكل اهله !!!!
طبعا الا الام والاب الاخوات بس


بذمتكوا ... مش اسئله تفور الدم
ههههههههههههههههههههههه

بسم الله الرحمن


هههههههه



صحيح بتتكرر كتير ومبنمنعش نفسنا منها


الله يهدى الجميع