جميل العبد يسجد لى الاهو يخر
يقضى فروضو فى الميقات بلا تاخير
سلامت نيتو فى الاخره كنز زخير
بى رحمت ربو يخطر على الصراط بى خير
,,,,,,,,,,,,,,,,,,,,,,,,,,,,,,,,,,,,,,,,,,,,,
بديت بى نبينا الوضعتو امنه ا
بى العين ما اريناه بى القلوب امنا
بعد مدح الى فى يوم الحساب ضامنا
اديكم سلام والفين تحيات منا
,,,,,,,,,,,,,,,,,,,,,,,,,,,,,,,,,,,,,,,,,
يا نفس اتقى واحسنى لى اعمالك
عل تدنى على الشىء الذايل مالك
امشى على العمار وخلى الصلاح راس مالك
حصلا الله ننجى يوم عرض البشر على المالك
,,,,,,,,,,,,,,,,,,,,,,,,,,,,,,,,,,,,,,,,,,,,,,,,
صلو على النبى الى كل الرسول عظمو
شفيع المسلمين يوم الخلايق يظمو
لسانن يمدحك ما النار تقرب عظمو
انا اسكن فى البقيع واقعد اجود نظمو
,,,,,,,,,,,,,,,,,,,,,,,,,,,,,,,,,,,,,,,,,,,,,,,
صلو على جبريل بى البراق مشاهو
على الخلق العظيم رب العباد انشاهو
عليه فرض الصلاه يوم عرض وغشاهو
فجر وظهر وعصر ومغربا وعشاهو
,,,,,,,,,,,,,,,,,,,,,,,,,,,,,,,,,,,,,,,,,,,
صلو على جبريل بى البراق علاهو
بى كل الخفيات ارشدو ودلاهو
وعند السدرى الوحى ارتجع خلاهو
ودخل الهادى فى انوار جلال مولاهو
,,,,,,,,,,,,,,,,,,,,,,,,,,,,,,,,,,,,,,,,,
صلو على جاء ليه البراق مشدود
مع الوحى ان فتح ليه كل باب مسدود
عرج سابع طباق لله الواحد الموجود
وشاف الجنه والنار والصراط ممدود
,,,,,,,,,,,,,,,,,,,,,,,,,,,,,,,,,,,,,,,,
صبر ايوب صبر والدود مخرم جسمو
فرعون ربى موسى واتقلب بقى خصمو
ويوسف ابن يعقوب ربى حسن رسمو
وصلو على النبى ال فى العرش مكتوب اسمو
,,,,,,,,,,,,,,,,,,,,,,,,,,,,,,,,,,,,,,,,,,,,,,,,,,,,,,
بهديكم سلام عدد الالاه ما صور
عدد مر السنين وعددالزمن ما اطور
عدد شمس النهار وعددالفلك ما ادور
عدد نجم السماء وعدد القمر ما نور
,,,,,,,,,,,,,,,,,,,,,,,,,,,,,,,,,,,,,,,,,,,,,,,
غروره الدنيا لاكن ناس قلال تعرفها
لو بتدوم تدم لى خيرها واشرفها
وجات ليه راكعه لاكن عافها عنو صرفها
لانها دار فناء مهما اكتمل زخرفها
,,,,,,,,,,,,,,,,,,,,,,,,,,,,,,,,,,,,,,,,,
صلو على نييا الزين بكل نباها
نبى ضمن الغزال لى اجلو اليهودى جباها
وتحجب القمر وبيه النجوم تتباها
وبقت دهب الجبال وطه التهامى اباها
,,,,,,,,,,,,,,,,,,,,,,,,,,,,,,,,,,,,,,,,,,,,,,,,
صلو علل جبريل بى الجناح حافيهو
للقدس الشريف طه البراق زافيهو
وصل وجدالملايكه مقابله مضايفهو
صلا الزين امام والمرسلين خلفيو
,,,,,,,,,,,,,,,,,,,,,,,,,,,,,,,,,,,,,,,,,,,,,,,,
يوم الساعه نحشر فى زهول واقفينا
عراه وحفاه شعز ما من ستار يخفينا
وتاب المرسلين تشفع تقول خايفينا
يقول انا ليها طه يقوم يشفع فينا
,,,,,,,,,,,,,,,,,,,,,,,,,,,,,,,,,,,,,,,,
وصلو على العلمنا الصيام والفرضى
شفيع المسلمين يوم الحساب والعرضى
وليه ما وضع طه الحبيب المرضى
نزل الغيس وخضرت الجبال والارضى
,,,,,,,,,,,,,,,,,,,,,,,,,,,,,,,,,,,,,,
صلو على النبى الهادى الى نجح بتجارا
وهلك المشركين كفرا يعبدو حجارا
نطق الضبه ليه وضمن الغزال وجارا
الهادى الى وصى على اليتيم والجارا
,,,,,,,,,,,,,,,,,,,,,,,,,,,,,,,,,,,,,,,,,,,,,
صلو علل من عصبه قريش نجاهو
الهادى الى فى يوم الحساب نرجاهو
وليه اسلم عمر فى دار ابن الارقم جاهو
ونظف جسمو وفى البيت العتيق حجاهو
,,,,,,,,,,,,,,,,,,,,,,,,,,,,,,,,,,,,,,,,,,,
ميلاد الرسول للخير كان بدايه
وضعتو امنه وكانت الشفاء الدايه
واختارو الكريم ياطه على ندايه
ارسلو رحمتأ للعالمين وهدايه
,,,,,,,,,,,,,,,,,,,,,,,,,,,,,,,,,,,,,,,,,
تحياتــــى / وادى الغـــرام