نكت جمده جدااااا
(1) اوباما جه مصر و هو ماشى هو و حسنى مبارك لقى واحد مصرى بيرمى قشر لب فى الشارع راح ضربو بالنار مبارك قالو ليه قالو دى قذارة و بعديها لقى واحد بيتف فى الشارع راح ضاربو حسنى مبارك اضايق و بعديها بشهرين حسنى مبارك راح أمريكا و هو ماشى مع اوباما لقى واحد مدى وشو للحيطة و بيعمل بيبى راح حسنى مبارك ضربو بالنار تانى يوم الجرايد كتبت :مقتل السفير المصرى بأمريكا فى ظروف غامضة
(2) طفل صغير سال امة ازاى انا جيت الدنيا قالت له حطيت شوية سكر تحت السجادة لاقيتك جيت ... راح الطفل حاطط شوية سكر تحت السجادة... يومين و لاقى صرصار فقال له لو مكنتش ابنى كنت قتلتك
(3) مرة واحد عايز يبيع عربيته فراح لواحد قاله انا عايز ابيع عربيتى قاله
متبيعها قاله انت اهبل فى حد يشترى عربيه fiatقاله سهلة انت تشيل علامة
الفيات وتحط المرسيدس جه تانى يوم قاله ايه بعت العربيه قاله انت اهبل فى
حد يبيع عربيه مرسيدس
(4) مره واحد مش عاوز يرد على صاحبة بعتلة انا نسى الموبايل فى البيت
(5) مره واحد سكران ركن عجلته وقال للسما خدى بالك منها رجع مالقاش العجلة ولقى السما
بتمطر قالها بقولك ايه تعيطى ماتعيطيش أنا عايز العجلة بتاعتى
(6) صرصار في العنايه المركزه بيسال صرصار جمبه بيقولو بيرسول ........؟ قالو لا فردة شبشب
(7) مرة إتنين مساطيل واحد بيقول التانى هما القدماء المصرين بنو الهرم فى اد اية .... قالو 50 سنة ...قالو يا لية ؟؟ قالو اصل كل ما يرصوا حجرين الحكومة تكبس عليهم
(8) مره تلاته عاوزين ياكلو ومفلسين فراحو مطعم وطلبوا
اكل ف جه الجرسون قال للأول:هات حسابك قاله ماانا اديتك قاله لأ انا ماخدتش
حاجه قالو حتا هسأل زميلك التاني فسأل التاني قاله انا اخدت منه فلوس قاله
اه لما انا كنت بحاسبك قالوا انتوا شكلكوا نصابين انا هسأل زميلكم التالت
شكله محترم قاله انا اخدت منه حساب قاله سيبك من ده كله و............اطلع بالباقي بتاعي
(9) سواق تاكسي وقفة واحد لابس احمر ف احمر و قالة وصلني انا الفرفور الاحمر السواق قالة مش بركب فرافير بعد شوية واحد لابس اصفر ف اصفر وقفة وقالة وصلني انا الفرفور الاصفر السواق قالة مش بركب فرافير كمان شوية واحد لابس ابيض ف ابيض وقفة فالسواق قالة نعم اظن بقي انت الفرفور الابيض ؟ رد الراجل قالة فرفور ابيض مين رخصك ياروح امك
(10) موبيل بيقول للخط انتي طالق قالتله واودي فين الشحن اللي في باطني ده
(11) واحد قبل ما يموت جمع ولادة التلاتة وحب يوصيهم
يفضلوا ايد واحدة واعطى لكبيرهم عود خشب كسره بسهولة
اعطاه اثنين كسرهم بسهولة اعطاه خمسين عود كسرهم بسهولة قالهم طالما معاكم
البغل ده مفيش خوف عليكم
(12) عيل مسطول راح يشوف نتيجه امتحانه لقي نفسه ساقط روح اتخانق مع ماماته قالها طول السنه قاعده ...بتلعبي وجايه بتدعيلي في اخر يومين
(13) واحد صعيدي في أمريكا،معدي في الشارع لقي فرح كبير،سئل واحد قاله : ( فرح مين ده يا خواجه )رد الخواجه ( دونت نو )بعد يومين عدي الصعيدي في نفس المكان،...لقي جنازه كبيره،سئل واحد قاله : ( جنازه مين دي يا خواجه )قاله : ( دونت نو )قاله : لا إله إلا الله،ده الراجل لسه كان فرحه أمبارح
(15) واحد عبيط عمل عمليه استشهاديه دخل بين50 يهودى وضرب نفسه بالسكينه
(16) عصفور صدم زجاج سيارة واغمي عليه
صاحب السيارة وقف وأخذه معه البيت وحطة بقفص
صحى العصفور لقى نفسه في القفص مسجوون
قال:
معقولة يكون الرجال مات؟!!!!
(18) مذيعة بتسال صعيدى الامريكان بيتوقعو انتهاء العالم ف 2012 قالها
عليا الطلاج كدابين قالتله ومالك متاكد كدة قالها لسة شارى علبة تونه تاريخ
انتهاء صلاحيتها 2014
(19) كان فى مرة واحد صاحب مزرعة جزر وكان بجانبه واحد صاحب مزرعة ارانب كان كل يوم يجى صاحب مزرعة الجزريلاقى الارانب اكلوه الجزر بتاعوه كل يوم كل يوم لحد مازهق وقرر ان هوه يروح عند مزرعة الارانب وبعد كده راح عند الارانب وجاب شاكوش وكسرلهوم كل اسنانهم جاه تانى يوم الصبح لقى الجزر ...بتاعوه بردوه حد اكلوه راح عند الارانب ومسك ......واحد فيهم وقالوه :واديتوه الجزر فين قاله الارنوب :عملنا عثير وثربناه
(20) واحد عنده ولدين و بيشك ف مراته إن واحد منهم مش ابنه .سأل حكيم فقال له : روح
للرمل وارسم دائرة ونام بداخلها أنت والأولادولما تصحى ... الولد اللي داخل
الدائرة هو ابنك واللي برا هو ابن الحرام ...لما قام الصبح لقى نفسه مع
اولاده برا الدائرة ...قاللهم : قوموا قوموا الظاهر إنها خربانة من أيام ...جدكم
(21)مره واحده عجوزه سمعت ان عزرائيل بيخطف العواجيز فجابت سيريلاك و قعدت تاكل فيه فجلها عزرائيل و قالها انتي بتعملي أيه قالتله باكل مام فقالها طب خلصي بسرعه علشان نروح باي
(22) ندل وحرامي اصحاب اوي اتفقو يعلمو بعض فالاتنين طلعم الاتوبيس الحرامي بيعلم الندل السرقة مد ايدة في جيب الزبون وسرقه قام الندل قال حراااااااااااامي "بيعلمو الندالة"
(23) عبيط بيسأل عبيط ليه السويس سموها بالاسم دا
قالو عشان لما المراكب بتعدي من عندها بتمشي بسويييييييس
(25) عجوزه نزلت حمام السباحه فحصل برق في السما قالت يووووه هو الشباب بدا يصور