احبائي اعضاء منتدي منيحه الكرام
بعد التحية
اليوم اتيت لكم بموضوع اتي في ذهني بس عجبني رغم اننى مشترك بالمنتدى مع اهلى وعشيريتى أهل منيحه منذ شهر على الاقل
ان اعضاء منتدي منيحه عاصمه الجنوب من كتر المداومة علي المنتدي
رسمت لكم الاعضاء من وجهة نظري
*****
****
***
**
*
عضو مرهف الاحساس اصابعه تذهب به الي الشعر والزجل ويبحث في باقي المنتدي بس بسيط او برد واحد او ردين
*
عضو لاينام كعادته لكن عندما يفكر يقولك ماادخل علي المنتدي ابص لو فيه حاجة جديدة ملقاش يقفل المنتدي ويكمل سهرته
*
عضو يعشق النكت والفوازير والتسلية والضحكة لا تفارق شفتاه لكن بعض المرات تجده يصارع الاعضاء ويدفعهم بقوة اسلوبه الي الردود الغزيره علي مواضيعه
*
عضو سهر علي المنتدي بعد الفجر لغاية ساعة شروق الشمس وبعدها يرجع في وقت الظهيره يرد السلام ويطلع وبالليل بيكون موجود بس بيقرا الموضوع ويتاخر في الرد
*
عضو كلماته قليلة في الردود عشان ظروف شغله وحساباته بس مش بيتاخر في عزاء وفرح
*
عضو شغله الشاغل المنتدي يكتب مواضيع ويرد وبعد كل ده النور يقطع فجأة وييجي يتصل بالادارة ويقول المنتدي خبار مقفول واحنا نقوله والله مفتوح .... الخ
*
عضو يدخل علي جديد المواضيع واللي بيعجبه مواضيعه يرد عليه واللي مش بيعجبه مايردش او ميعرفهوش
*
عضو اول مايدخل المنتدي يشوف برقيات العزاء ويطلع
*
عضو يذهب باستمرار الي المتواجدون الان مش عارف ليه !!!
*
عضو بيموت في قسم الاغاني ولكن لو نزل اغنية في 5 شهور يبقي خير وبركه
*
عضو نفسه يدخل يكتب ويشارك لكن الادارة لسه موافقتش عليه عشان كده مش عارف يشارك
*
عضو يغطس مرة واحدة ويطلع بعدها بموضوع يهز المنتدي ويعمل مشاركات كثيرة لكن بعدها تساله انت مابتدخلش ليه يقول الجهاز مش شغال !!!!
*
عضو يذهب ويعشق رسائل الزوار ويحب يهنيء الناس كلها في كل مناسبة
*
عضو لايمل ولا يكل ويكتب مواضيع كثيرة لكن تظهر له رسالة ان ليه 3 مواضيع في اليوم الواحد فيحس بالملل ويقول انا مش داخل تاني
*
عضو يدخل بااكثر من عضوية ولما ينسي الباسورد يتصل بالادارة مش عارف ادخل !!!11
****
وفي النهاية احيي كل هؤلاء الاعضاء ونتمني لهم وافر الصحة والتركيز علي نواحي التقصير اللتي اذ وجدت لنصل في النهاية بمنتدانا الي سلم النجاح .
وفقكم الله ورعاكم ويتقبل منا ومنكم صالح الاعمال