موضوع جميل للنقاش ’’’’,,,,’’’’’

كل منا مرت عليه مواقف محرجه

سواء كان هو بطلها او كانت لصديق له

وقد تكون محرجه فى لحظتها ولكنها تكون مسليه عند ذكرها

لذلك اود ان يحكى لنا كل شخص عن اكثر موقف محرج حصل معاه او مع واحد يعرفه

وعاوزين الكل يشارك

يلا ياشباب

مشكور يا اخ الفاضل على التتابع

وفتحك للنقاشات

وفقك الله

واحب اشارك بموفق وهو

عندد تخريجى من الأكاديميه

عملت حفلت تخرج لشباب اسوان وانا من ضمنهم

وعزمت ناس كتير

وأكثر من 4 دكاتره جامعيين

ولا واحد جااااه

هههههههه كان يوم كنت عايز الارض تبلعننى "هههه"

لكنن والحمدلله قمت بالفور بالأتصال بأستاذ دكتور بجامعة القاهره من ضمن المعزومين وقالى انا فى المزرعه فى العبور وسكنه فى الرحاب والحفله فى المطريه

لكن ولله الحمد لايقصر حبا فى شباب اسوان وتعلقه بهم

وبعد بضع ساعات والحضور قلقانه حضر سيادة الدكتور هانى السبكى أستاذ دكتور بجامعه القاهره

وايضا دكتور من جامعة الازهر من طرف الاخ نيجيرى
وتمت الحفله وحازة على نجاح ولله الحمد

فأشكره من اعماق قلبى الى سيادة الدكتور هاننى السبكى
اولا تعلمت من الموقف

أنى

أعظم شى هو المعرفه وحب الناس
وان بلادنا ولله الحمد واجدادنا تركو لنا سمعه نفتخر بها على طول الدوام

ثانيا أن لا اعتمد على اى احد

ثالثا عدم المجازفه " بس برضو الى الان بجازف "هههه

رابعا كسبت ناس فى هذا اليوم أعتز بيهم

وانشاء الله سوف اعرض لكم بعض الصور اوالمقاطع بتاعت الحفله قريبا

انا حكى لكم موقف صغير من المواقف اللى مريت بيها
كنت فى سنة تانية فى الجامعة وكنت مكبر دماغى شوية من العملى وفى مرة قررت احضر سكشن فى قسم الرياضة والاحصاء فقابلت واحد فقالى احسن معيد فى القسم اسمه حمدى قلتله السكشن بتاعه فين قالى فى حجرة 6 ورحت وقعدت جنب الباب مباشرة ومكنتش اعرف حد لانى اصلا كنت مكبر دماغى المهم
وانا قاعد ويدخل واد بقى من العيال الفنكى دول اللى لابس بنطلون من غير حزام وبادى بناتى واول مادخل يقولى اقفل يابنى انت الباب طبعاً انا اصلا مكنتش طايق نفسى لانه اول سكشن بحضره
فكان ردى الطبيعى :- ليه هو انت مشلول ؟؟
قالى يابنى اقفل الباب عشان نبدأ
وانا بكل غباء :- مش قافل عاوز تقفله اقفله بنفسك ؟؟
وكان فى هذه الاثناء واحد من الاقصر بيشدنى من ورا انا طبعاً اقوله استنى ياعم لما اشوف ابن ال ..... ده وهو يشدنى وفى الاخير قررت اسمع لاحمد اللى بيشدنى من ورا ده
تخيلوا يقولى ايه ؟؟

قالى :- يابنى ده حمدى المعيد اللى حيدينا السكشن ؟؟؟

طبعاً بعد لحظة من الذهول والاحراج خرجت من الموقف ده ازاى

قلت للمعيد معلش يادكتور اصل انا لسه فى سنة اولى وجيت هنا غلط ومشيت
وطبعاً محضرتش تانى لآخر السنة

هههههههههه

جامده يا ابو عبدالله

هههههههههه

وننتظر باقى الاعضااء

موضوع جميل ويخلى الواحد اهوه يفضفض شوية
انا حصلى موقف بايخ من سنتين وكان اخويا محمود قد سافر الى السعودية تاركا اولاده ولما خلصت الاجازة طلب منى ارسل له اولاده
وفعلا حجزت لهم سفر برى الى ضبا وهوهينتظرهم بسيارته فى ضبا وكان السفر من القاهرة الى سفاجا بالاتوبيس ومن سفاجا الى
ضبا بالعبارة والحمدلله ربنا وفقنى وسافرت معهم الى سفاجا وبعد مادخلتهم المينا وسلمت عليهم ومشيت اركب للقاهرة وكانت الساعة
3 صباحا وفعلا ركبت اتوبيس قادم من قنا ومتجه الى السويس ثم القاهرة ولكن لازم ادفع ثمن التذكرة وضربت ايدى فى جيبى لقيت الجيب
مافيهوش ولا قرش واحد ادور يمين شمال الفلوس اختفت وكان ساعتها معايا 1400 ج مصرى وكأن الفار اكلهم وانا فى الاتوبيس لا اعرف احد
ولازم ادفع التذكرة وكنت فى نص هدومى وعرقت عرق عمرى ما عرقته وسبحان الواحد الاحد وقبل ما انطق بكلمة واحدة للكمسارى اتفاجأ بشخص بينادى عليا " يا بو سعيد " مرتين وطبعا جريت عليه بقلبى قبل رجليا واذا به احمد جلال قريب امى ومن دهميت ولكن عايش فى الاسكندرية ويعمل ومازال يعمل فى ميناء السويس

طبعا اول مارحت قعدت ابوسه من هنا ومن هنا وهو مش فاهم وحكيتله الحكاية ودفع لى الراجل تمن التذكرة تقريبا كان 55 ج وقتها ورفض رفض قاطع انه ما ياخد الفلوس ولكن الحمدلله اول مرة نزلت اسكندرية ربنا قدرنى ورديت الواجب

ومش عارف لو ما لقيت احمد جلال كنت عملت ايه

موقف وعدى

تسلم أيدك ياأبوعبدالله

على الموضوع الرائع بصراحة الغربة نست الواحد

اى مواقف ذى هذه

الموقف اللى حصل معايا

فى يوم كنت رايح سوهاج أناوخطيبتى رايحين نجيب نتيجة الامتحان

وطبعآ نجحت بأمتياز وبالمناسبه دى حلاوة النجاح اتفقنا نقضى اليوم

كله بره نتفسح وكنت عامل حسابى من باليل والصبح اتوكلنا على الله

والمفاجئة إنى نسيت المحفظة فى البيت وعرفت الشى ده لما طلبوا

الاجره فى السياره لحسن الحظ ان هى معاها فلوس فافتكرت

إنى بضحك عليها وبسبب الموقف هذا أنفصلنا

موقف غريب

هههههههههههه

وشكرآ لاتساع صدركم

شكرا يا محمد على هذا الموضوع الرائع
الموقف اللى غايت النهاردة بفتكرة واضحك هو انا كنت فى الصف الثالث الاعدادى والحمد الله كنت متفوق وكنا مقسمين فترة الاذاعة مرة على الشباب ومرة على البنات وفى هذا اليوم كان دور البنات وفى اخر الاذاعة كانو عاملين سؤال واللى حيجاوب حياخد جائزة والجائزة كانت ملفوفة لفة تذهل اى واحد فاتقدمت وسالونى السؤال فاجاوبت واخدت الجائزة فاطلعنا الفصل فراح اصدقائى يتوسلونى علشان افتح الجائزة
ففتحتها تخيلو لقيت الجائزة اية؟ لقيتها بصلة
ههههههههههههه

بسم الله الرحمن
موضوع جميل جدا الموضوع الي اتذكره الان احنا عيشن في مصر وكان ابي رحمه الله وامى ربنا يخليها سافرو الى البلد وانا كان عندى امتحانات وكنت بخاف اوى فجابو لي زوجة خالى من البلد تجلس معى فكنت مشغله تسجيل بجانبي ومتربسين باب الشقه علينا الى ان يأتى اخوتى من الشغل وكنت بذاكر وفجأة سمعت تصفير وحد بيقول بس بس بس فالتفت ماوجت احد فصرخت باعلى صوتى وجرينا وتزنقنا انا وزوجة خالى في الباب الشقه ومش عرفين نفتح الباب من الرعب علشان نهرب ونزلو الجيران العماره جميعا الي الشقه وبحسوفي الشقه على مين بيصفر وبيعمل بس بس بس فكانت المفاجاه الشريط الكست الي كنت مشغلاه كان مسجل وكان في حد بصفر فيه ويبسبس فالجيران ضحكو عليه وماتو من الضحك فكان موقف محرج جدا لاننى افتكرت ان في حرامي في الشقه هههههههههههه
رجعتنا لزكريات قديمه من الاعداديه
gdhfggh

بسم الله الرحمن

موضوع ممتاز وتغير يعطيك العافيه

انا قريب حصل معى موقف خرجت من الشغل العصر وماشى بسيارتى وفجاه نقطة تفتيش وانا تمام ما عندى شى وحزام مربوط شويه شويه لحين وصلو الى العسكرى سلام عليكم وعليكم السلام رخصه والاقامة ودفتر السياره حاضر طلعت دفتر السيارة وحطلع المحفظه من البنطلون ما فيه العسكرى قال ايه قلت له انا بصراحه نسيت المحفظه فى المكتب المهم بص قال لى انت اسوان قلت له نعم قال لى والله انك صادق روح .موقف اول مره اتعرض له وفيه اشياء كثيره نرجو الاستفاده معرفة الناس بناس اسوان والصدق مهم جدا فى حياتنا واخرتنا .شكرا

» سؤال للنقاش
» موضوع للنقاش.......موووووضوع مهم للغايه
» فن العطـــــاء........موضوع للنقاش ارجو الدخول............
» موضوع جميل
» موضوع جميل وأعجبني كثيرا ....