مفاجأة الموسم .. اتبرع ولو بجنيه لحساب نادى الزمالك

الزمالك يفتح باب التبرعات أمام جماهيره

أعلن جلال إبراهيم رئيس الزمالك فتح حساب بنكي للتبرع لصالح النادي، للمساهمة في حل الأزمة المالية التي تمر بها القلعة البيضاء.
وقال إبراهيم عبر قناة مودرن سبورت مساء السبت: "ندرس فتح الحساب خلال الاسبوع الجاري حتى يرسل بمحبي النادي دعمهم المالي لنا".
وتابع "أفضل ما في هذا الإجراء هو أن البنك سيشرف على العملية بشكل كامل، وبالتالي لن تكون هناك أي شبهات حول النادي أو مجلس الإدارة".

ويعاني الزمالك من ضائقة مالية كبيرة، خاصة بعد رحيل مجلس الإدارة المنتخب برئاسة ممدوح عباس.
وكان جلال إبراهيم قد صرح في أكثر من مناسبة بأنه يتمنى تلقي دعما ماليا من عباس ومحبي الزمالك لإنعاش خزينة النادي الخاوية.
ولاقت تصريحات جلال إبراهيم صدى سلبيا من بعض وسائل الإعلام، ورد عليهم رئيس الزمالك "هؤلاء من الصغائر ولن أرد عليهم".

ولسان حال الزمالك بيقول "" اتبرع ولو بجنيه ،، ومن قدم شئ بيداه التقاه ،، وهنيالك يافاعل الخير والثواب ،، حسنة قليلة تسدد ديون الغلابة "" وعجبـــــــــــــــــــــــــــــــــى

مستحقات الحضري

إلى ذلك، أوضح جلال إبراهيم موقف الزمالك من الـ100 ألف دولار المستحقة ضد حارس مرمى الفريق عصام الحضري.
وقال إبراهيم: "لسنا مسؤولين عن الغرامة الموقعة على الحضري من قبل المحكمة الرياضية، ولا يوجد ورقة واحدة تطالب الزمالك بسداد المبلغ".

واستطرد "الورقة التي تلزم الزمالك بدفع 100 ألف دولار لم تقيد في أي محضر من جلسات مجلس الإدارة الماضية، وبالتالي غير ملزمة لنا".

يلا يا ابو جمالوا شوف الزمالكوية ولمو لناديكم

ولا أنتوا كلام بس،ولسة أمكن يتباع فى المزاد الزمالك

اهو ده اللى ناقص ياخوانا
عاوزين نلم ونساعد ياجماعة اللى معاه شلن ولا بريزى او ربع جنيه
وكله بثوابه
ويابواروى اكييد لحيتباع فى المزاد

بسم الله الرحمن كم اتحفنى موضوعك يا اخى وفعلا انت جبت الى محدش جابو وفعلا مجهود جبار وسلملى على بسم الله الرحمن ياسين منصور بتاع الصفقات الى من يوم ساب النادى وموش عارفين تجيبو صفقات سوبر ورحلو الخطيب علشان يرجع بدون فايده ونشوف من غيرو حتجيبو صفقات من فين وعلى فكره النادى بتعكم مديون,,,,,, وعجبى :P :lol: :P :lol:

صعبوه علي والله
بس مين بيلم الفلوس
مفاجأة الموسم .. اتبرع ولو بجنيه لحساب نادى الزمالك 19781py0

:pale: :pale:

للتوضيح فقط

ياسين منصور ترك مجلس ادارة النادى بقاله سنتين ونص فى حين ان ممدوح عباس بقاله 5 سنين فى رئاسة النادى
وللاسف الشديد الزمالك مديون لممدوح ب 42 مليون جنيه
ولو عملنا مقارنة بسيطة بين الصفقات "" السوبر "" اللى تمت قبل الموسم الحالى حنلاقى الآتى
الاهلى تعاقد مع كل من

محمد ناجى جدو
حسام غالى
محمد شوقى
محمود ابوالسعود
عبدالحميد شبانة
محمد غدار اللبنانى

والزمالك تعاقد مع كل من
محمد يونس
وجيه عبدالعظيم
عاشور الادهم
الحضرى
عماد محمد العراقى

انا شايف بصراحة مفيش مقارنة
وده ان دل على شئ فإنما يدل على ان النادى الاهلى لايقف على احد مهما كان ففى ظل رحيل ياسين منصور او وجوده لايوجد فرق
امال الشعار ده معناه ايه

الاهـــــــــــلى فـــــــــــــــوق الجميــــــــــــــــع

بسم الله الرحمن هل انت شايف ان الصفقات بتعتكم سوبر فين غدار فين شبانه فين شوقى فين ابو السعود وسلملى على نادى القيم والمبادء

انا اعتقد ان ارتباط اسم النادى الاهلى بالقيم والمبادئ منذ قديم الازل يعتبر فخراً لكل اهلاوى
لكم انا فخور ان يرتبط اسم النادى الذى اشجعه بهذه الصفات
لكن فى المقابل ارتباط الاهلى بهذه الصفة بدأ يسبب صداع فى رأس مشجعى النادى رقم 2 فى مصر وهو شئ لايعنينا فى شئ

المشكلة ان السؤال عن صفقات الاهلى السوبر قدمته من حيث التكلفة المالية فقط
اما من الناحية الفنية برضه الاهلى استفاد فنياً اكثر من الزمالك

الاهلى استفاد وبشدة من محمد ناجى جدو ومن حسام غالى وبنسبة اقل استفاد من شبانة

لكن الزمالك استفاد من صفقة واحدة فقط وهى عاشور الادهم

اما الحضرى فخلاص اتوقف 4 شهور وماشى من الزمالك وجهابذة الزمالك حيدفعوا من الغرامة 100 الف دولار لصالح الاهلى يبقى استفدوا منه فى ايه ؟؟؟
العراقى عماد محمد جابها على بلاطة حيمشى منكم من غير مايلعب مباراة واحدة كاملة يبقى استفدوا منه فى ايه ؟؟؟
وجيه عبدالعظيم عملكم ايه وجيه ده كمان استفدوا منه فى ايه ؟؟؟
محمد يونس "" من الدرجة الثانية "" لم يلمس الكرة فى اى مباراة رسمية يبقى استفدوا منه فى ايه ؟؟؟

المثل المصرى بيقول "" اللى بيته من قزاز مايحدفش الناس بالطوب """ ولا ايه

انا اتكلمت عن الصفقات من باب التكلفة

وفى الاخير
مشكور يابوملك على الردود الجميلة

مفاجأة الموسم .. اتبرع ولو بجنيه لحساب نادى الزمالك GWq90827

مفاجأة الموسم .. اتبرع ولو بجنيه لحساب نادى الزمالك GWq90827

ماهو وجه الغرابه فى فتح باب التبرع لنادى
الزمالك ليس هذا بعيب هناك دول تفتح باب
التبرعات امام شعوبها
الحمد لله الزمالك دائن وليس مدين حتى يباع
فى المزاد الزمالك الذى يملك اصولا تقدربالمليارات تحسده عليها
كثيرا من الانديه التى تتباهى بحجم السيوله التى
بخزينتها التى سرعان ماتنفق على صفقات فاشله اصبحوا
مشهرين بها بين الوسط الرياضى الم يسألوا انفسهم من
اين تأتى هذه السيوله انها من جيوب ابناء انديتهم
اليست هذه تبرعات واقول لهم ما من صفقه تمت بطريقتهم
الملتويه الا وكانت مموله من جيوب المريدين والمحبين
اليست هذه تبرعات كفاكم فكلكم عيوب وللناس السن

الغرابة يا ابو عمرو أن رئيس النادى يطلع على الفضائيات

ويطلب تبرعات الجمهور لو بجنية ودة رئيس نادى الزمالك المفروض أنة رئيس

ثانى أكبر نادى فى مصر بعد نادى القرن النادي الأهلى والفرق بين الأهلى

والزمالك،أن محبين الأهلى بيعملوا كل حاجة لمصلحة النادى الأهلى من غير

أي مصلحة أم محبى الزمالك ما يعمل أي حاجة لنادية إلا إذا كان فى كرسى

الرئاسة ،وبالمناسبة موش الزمالك بس هذا حال كل أندية مصر الأخرة

عرفتم أية الفرق بين الأهلى وجميع أندية مصر مجتمعة

علشان كدة يطلق على النادي الأهلى نادى القيم والمبادء

الأختلاف فى الرأي لا يفسد للود قضية

تحياتى ليك يا ابو عمرو

طبعاً بعد التحية والتصفيق للاخ ابواروى على الكلام المعبر والمفحم

احب اوضح ان فكرة جمع التبرعات بهذا الشكل المهين منذ اطلاقها من رئيس النادى رقم 2 فى مصر وهى تلاقى استنكاراً شديدا من رموز نادى الزمالك الكبار

وللاخ الفاضل ابوعمرو اذكرك فقط للتوضيح
ان العجز فى ميزانية نادى الزمالك بلغ 240 مليون جنيه مصرى منها 42 مليون جنيه مديونية ممدوح عباس وحده ده غير 19 مليون للضرائب و3 مليون للاوقاف وغيره

فى حين ان العجز فى ميزانية الاهلى بلغ 3.8 مليون جنيه فى حين ان اصول النادى الاهلى تفوق اصول الزمالك ب 5 مرات

والفرق بين رجالات الاهلى ورجال الزمالك ان ياسين منصور اللى ذكرتموه دفع فى 4 سنوات مبلغ 7مليون و920 الف جنيه فى راتب مانويل جوزيه على مدار 4 سنوات دون ان تسجل كمديونية على الاهلى ،، صفقة محمود ابوالسعود حارس المنصورة محمد عبدالوهاب عضو مجلس الادارة السابق دفع فيها 2 مليون جنيه دون ان تسجل كمديونية
تمويل صفقة متعب الاخيرة والغرامة المدفوعة لستاندرلييج البلجيكى ممولة بالكامل من رجال اعمال اهلاوية ولم يدفع الاهلى فيها مليماً واحداً ناهيك عن صفقة الشراكة بين الاهلى وبنك مصر التى صدرت بموجبها كارت فيزا النادى الاهلى تحملتها بالكامل عائلة الدرندلى الشهيرة
وغيره الامثلة كثيرة
على العكس فى الزمالك اللى بيدفع مليم بيهيص ويفضح الدنيا مرتضى منصور اتبرع ب 100 الف جنيه فى حضور 8 كاميرات تليفزيون وممدوح بيه بيزل ام الزمالك بفلوسه اللى هى اصلا مديونية مش تبرع

وفى الاخير مشكورين يااخوانا الزملكاوية
واهم حاجة الروح الرياضية

الحضري
طلع في كل الدنيا يبكي وينوح
انا عايز ارجع للنادي وانا غلطان
وربنا بيسامح وانا ندمان ونفسي ارجع
وبعد ده كله نادي الزمالك تعاقد معاه
ورفعوه فوق فوق رأسهم وبيعاملوه زي ابن النادي
وائل القباني _ شيكابالا _ بشير التابعي
وقعوا للنادي الاهلي وبعد كده رجعوا في كلامهم
والنادي الاهلي مطلعش عقودهم
والكل قال لاعيب مش عايز يلعب عندي اجبره علي كده
هو ده نادي القيم والمبادئ
ده مثال وليس الحصر

اخونا الاهلويه هى فين القيم والمبادئ الى انتم بتتكلمو عليهاامال الطرق الملتويه فى خطف اللعيبه من انديتهم الاعب يحترف شهرين ويرجع على النادى صاحب القيم والمبادئ سيدمعوض واحمد فتحى يا نادى الاسماعيلى رقم اتنين واغراءت وكالة الاهرام اللا رئيسها حسن حمدى والنائب محمود الخطيب انا خايف يكون اعضاء مجلس الاداره متعينين فيها ودا شئ اكيد وهى دى الميزه الى انتم بتلعبو فى افكار اللعيبه وخليتو جدو اكل الشيبسى وعرفنا رايح نادى القيم بتاع المصالح وغيرو كتير ونفسى اعرف هى فين الشقه الى بتخبو فيها اللعيبه وسلملى على القيم وبلاش تحدفو بالطوب

دلوقتي يا ابو جمالوا
انت عامل ليك هوس
وعمال تجيب كلمة من الشرق
وكلمة من الغرب
اختصارا للحوار انت حتتبرع لناديك ولا ايه
علشان اجيبلك رقم الحساب

مفاجأة الموسم .. اتبرع ولو بجنيه لحساب نادى الزمالك C

مفاجأة الموسم .. اتبرع ولو بجنيه لحساب نادى الزمالك C

بعد التحية وبعدين ياعم تامر انت ومحمد عيب الكلام دى والايام دول اليوم الزمالك مديون بكرة مين عارف الاهلى هيحصله اية وخفوا شوية

علم "اليوم السابع" أن مجلس إدارة الزمالك برئاسة المستشار جلال إبراهيم يفكر جدياً فى التراجع عن فكرة إنشاء حساب بنكى باسم النادى لقبول تبرعات من جانب جماهيره ومحبيه، خاصة بعدما لاقت تلك الفكرة رفضاً شديداً داخل وخارج النادى، كونها تظهر نادى الزمالك صاحب التاريخ الكبير بصورة غير لائقة وكأنه يتسول المال من أجل تيسير شئونه.

ومن المقرر أن يناقش مجلس الإدارة تلك الفكرة مساء اليوم ، ويعلن موقفه النهائى بشأنها بعد دراستها من جميع الجوانب.

» دخول رئيس نادى الزمالك العناية المركزة أثر أزمه قلبيه
» خناقة بين سامى العدل وشيرين فوزى فى مؤتمر مؤية نادى الزمالك
» تأسيس نادى الزمالك
» سؤال لكل الزملكاوية :- ماهو تاريخ نادى الزمالك ؟؟؟
» يشارك في دوري الأبطال.. الزمالك ينهي الموسم بفوز ثلاثي