خليكو شاهدين على المحب وخطيبته

في يــوم من الأيــام

قرر "محب" إنه يعزم "حبيبته" على الغدا وياريته ما عمل كده

لإن البنت دى مش عاجبها العجب ولا الصيام فى رجب زى مابيقولو
شوفوا الحوار وأحكموا بنفسكوا

"هو": تطلبي إيه؟

"هي": مش عارفة إنت هاتطلب إيه؟

"هو" : أنا هاطلب بيتزا

"هي": ماشي ، وأنا كمان

"هو": طيب

"هي": ولا أقولك ، بلاش

"هو": ليه عاوزه حاجة تانية

"هي": لأ ، مش عارفه

"هو": انتي جعانة

"هي": إممم ، مش عارفه

"هو": يعني إيه مش عارفة ، أكيد الواحد بيعرف هو جعان ولا لأ

"هي": نص نص

"هو": يعني أطلبلك معايا

"هي": لأ

"هو": خلاص

"هي": ولا أقولك ، يمكن أجوع كمان شوية

"هو": خلاص هاطلبلك وعقبال ما يجي الأكل تكوني جوعتي

"هي": طيب أفرض لما يجي الأكل أكون لسه ما جوعتش!

"هو": خلاص ، خلي الأكل قدامك ولما تجوعي إبقي كلي

"هي": ما كده الأكل هايبرد

"هو": خلاص نطلب أكل تاني

"هي": بس كده يبقى تبذير

"هو": نبقى نأخد الاكل البارد معانا تيك أواي ونبقى نأكله بعدين

"هي": طيب إفرض ما كانش ليا نفس للبيتزا بعدين

"هو": خلاص أكلها أنا

"هي": وأنا ما أكلش

"هو": جننتيني ، يعني اطلبلك ولا بلاش

"هي": بلاش احسن

"هو": خلاص أنا هاطلب لنفسي علشان انا جعت جدا

"هي": ماشي

"هي": بس أطلب بيتزا بالتونة
"هو": بس أنا مابحبش البيتزا بالتونة

"هي": بس أنا بحبها

"هو": بس أنا إللى هاكلها

"هي": ما يمكن على ما ييجي الأكل أكون جعت وأكل معاك

"هو": هو أنتي عاوزة تأكلي ولا لأ

"هي": إحتمال

"هو": يعني أنا لازم أطلب بيتزا بالتونة علشان إنتي (إحتمال) تأكلي معايا

"هي": أيوه بالظبط

"هو": طيب لو أنتي جوعتي وأكلتي البيتزا بتاعتي أنا هاكل إيه؟

"هي": ما انا ممكن ما أكلش أصلا معاك

"هو": رحمتك يا رب

"هي": مالك فيه إيه ؟؟

"هو": يعني دلوقتي لو أنتي ما أكلتيش ، أنا هاكل بيتزا مش بحبها

"هي": يعني أنت تاكل و أنا ما أكلش؟

ممكن حد يرد عشان الواد باين عليه سابها وخلع ارجو حد يرد عشان ابنت ما تنتحرش

انا لو مكانه كان ولعت فيها وفي المطعم واخلع بسرعه دا اقل شي
وتسلم الايادي استاذنا العدوابي

دي اكيد مجنونة

والله يا زعيم دى كتر خيرو أنا لو منو شاله عنها ما طفحت دى أحسن ليهو أن يطفش
أو تاي ما يعزمها على شيء هو في الأول كده علشان فرحان بيها
بس لو أستمر معاها مش حيعبرها
بصراحة هية أحلى أيام وأجملها
ذكرتنا الأيام الجميلة
إيام ما كنت خاطب وكاتب كتابي فرحان وعزمت العروسة وقتها في فندق أبروي الشهير على جزيزة بأسوان ولنش مخصوص يعدي بيك وحركات أنا أنبسط كتير
وحضرالجرسون ذكر لي حاجات ما فهمتش منها غير أسكلوب بانيه طلبناه ومعاه عصير أنت عارف بنات البلاد ما بيحبوا يأكلوا شيء فيه لحوم برة
المهم ، أنا لم يعجبني الأسكلوب بنيه ولا هيه بس شربنا العصير
والفاتورة يا مسلم رزعوني بيها ما يقرب من ثلاثمائة جنية قبل سبعة عشر عاماً كانت تجيب ذبيحة كبيرة وتأكل القبيلة كلها .
وعلى فكرة حتى يومناً هذا لم نتوقف بس الأماكن التي نعرفها فقط .