التيجانى
عضو ممتاز
القبيلة : الغنادير
عدد المساهمات : 223
المزاج : الحمد لله علي السراء والضراء
![[size=24]الضحي[/size] Empty](https://2img.net/i/empty.gif) |  موضوع: [size=24]الضحي[/size] ![[size=24]الضحي[/size] I_icon_minitime](https://2img.net/s/themes/15/21/77/i_icon_minitime.gif) السبت 4 سبتمبر 2010 - 14:59 | |
| شمس المغرب الممحوق تميل فوق وشك المحروق
تبين صفرة سنيناتك
بين ضل الكلام مقلوب
تميل يا صالح الأيام ولا عاشرت هدما زين
ولا حتيت تراب السوق .. تفضل
تفضل يا خفيف الضل ورش جرجيرك البايت
وعد ليمونك الفضل وكوم حزنك الباير
وبيع من غير تشاور زول تواريخ دمك الفاير
وتفرش فى الضحى الأعلى تبيع سام العمر كيمان
ولا لافتات ولا أوزان ولا اتمان
تشد تركب قفا الأيا م
زهج خيلك يلد تيمان
فرس شوقك دوام مسبوق
تميل يا صالح الأحلام
أهو القدامك البتبيعو
أشواق الصبا الأيتام
وبرضك ما تبيع لى زول
أسف ربيتو على كتفك
ولا عشتا شبع أوهام
أهى الطاحونة يا صالح أهو السوق الصبح ألغام
تفضل يا خفيف الضل ورشرش صبرك الفاير
وارفع صوتك الحنضل وألعن وما يهمك زول
أبوك يا سوق سليل الغم
أبو الطورية والمنجل
وخال الرجلة ، عم الدنيا
جد الفجلة والفلفل وشكل القفة
والكرتونة والجردل
وألعن ما يفوتك زول
من الشارين من البايعين
وجنس البرضا والبزعل
واشتم ياخى ايه فضل
وايه يحصل وهل تقبل
تميل يا صالح النجمات
مع القمر الخصى واهبل
متين يا صالح الآمال
تميل ترقص وتتعدل ؟!
واضحك لا يشيلك هم
على النيل الصبح مبهول
صحى الأمواج بتتبهدال
صحى الاحلام بتتبهدال
برضو سعاد حتتحول
لا ... لا يمكن
دى ما شمس الضحا الأعلى
ومشية حنينة تحت الضل
وتكية ضرية فوق رمله
دى أحلام جارية متبهله
وماممكن تقيف إلا
وليد العمدة يلعب بى
يدردق فى الحرير كرشو
يعاين فى النعال وشو
ويقدل فى الفريق تمساح
ينادى سعاد تلم الكون
تحت ضل الضحى البواح
تصور يا خفيف الضل
دا عندو الهمسه .. أمر مباح
وتقطع من لحمنا الحى
وتعقد فوق شحمنا الساح
ونهتف ونحنا مشويين ومقليين :
ده يا عمدتنا هو الصاح
وياهو الصاح
وياهو الصاح
ويا عزة نفس بركت متين بتسوى لينا جناح ؟
واشيلك يا سعاد وامرق
من الزمن الدتى ونباح. . | |
|
abosabrah
مشرف
القبيلة : صبره
الحالة الأجتماعية :  عدد المساهمات : 2664
تاريخ الميلاد : 12/08/1990
العمر : 34
التفييم الإدارى : ![[size=24]الضحي[/size] Ouoouo10](https://i.servimg.com/u/f31/14/71/74/99/ouoouo10.gif)
| | موضوع: رد: [size=24]الضحي[/size] السبت 4 سبتمبر 2010 - 15:01 | |
| بسم الله الرحمن بعد السلام والتحيه مساء الخيرات والجمال والأنوار أخى الكريم تحيه طيبه لك وبعد     وخالص تحياتى وأخره كلامى سلام الله عليكم ورحمته وبركاته سالم ابو صبره | |
|
![[size=24]الضحي[/size] GWGt0-n1M5_651305796](https://2img.net/h/www.iraqup.com/uploads/20090512/gWGt0-n1M5_651305796.gif)
![[size=24]الضحي[/size] Support](https://2img.net/h/cursors-4u.com/support.png)
![[size=24]الضحي[/size] Untitl18](https://i.servimg.com/u/f41/14/71/74/99/untitl18.png)
