حاجة بسيطة

الاب كان مسافر ولما رجع لقى ابنه مستنيه فى المطار

الاب: ايه احوال البيت وانا مش موجود.. حصل حاجه وحشه

الابن: لا كل حاجه ميه ميه متقلقش هو حصل حاجه بسيطه بس

الاب: ايه حصل

الابن: عصايه المكنسة اتكسرت

الاب: بس كده ولايهمك بس ايه كسرها

الابن: انت عارف ان البقرة لووقعت على حاجه بتكسرها

الاب: انت تقصد بقرتنا

الابن: اه

الاب: ايه اللى حصل

الابن: كانت بتهرب وهيه خايفه فوقعت على عصاية المقشة كسرتها

الاب: المهم البقرة حصلها حاجة

الابن: لامفيش حاجة ماتت

الاب: يا لهووووووى ماتت وهى كانت بتجرى خايفة من ايه

الابن: لادى كانت بتهرب من الحريقه

الاب: حريقه!! حريقه ايه؟؟

الابن: لا مفيش اصل بـتـنـا اتحرق

الاب: اتحرق يالهووووى من ايه

الابن:اخويا الكبير الله يرحمه

الاب: ايه اخوك مات ازااااااى ؟؟

الابن: ايوه مات كان بيشرب سيجارة وقعت حرقت البيت وهو جواه

الاب: يالهووووى أخوك سبرسجى بيشرب سجاير

الابن: هو كان بيشرب سجاير علشان ينسيه حزنه

الاب: حزنه على ايه

الابن: على أمى الله يرحمها

الاب: هيا أمك كمان ماتت
فراح الاب ميت من غباء ابنه


الابن: بابا متعملش فى نفسك كده فداك ألف مقشة

ده كله وحاجة بسيطة هو فى خراب اكتر من كدة
ههههههههه تسلمى يا اختى على موضوعك الاكثر من رائع
وفى انتظار كل ما هو جديد منك

السلام عليكم
بعد السلام والتحيه
مساء الخيرات
أختنا الغاليه
تحية طيبة لك وبعد
تسلمين تسلمين
أختنا الغاليه
ههههههههههه
حوار جامد جدا
بجد ايه دة
مش ممكن حد يعمل كدة مع والدة
بصراحه قمة الغباء من الأبن
بس ايه حاجة بسيطة فعلا
بارك الله لك وفيك
وجزاك الجنه
وكل عام وانتى بخير ورمضان كريم
وننتظر منك المزيد دائما
ودائما من نجاح الى نجاح يارب العالمين
وتقبلى مرورى لك
وتحياتى
وأخرة كلامى سلام الله عليكم ورحمته وبركاته
سالم أبو صبره

تحياتى ابومكى

شكرا على ردودكم المتميزة