ضيف الكرسي لهذا الأسبوع العضو الكريم "العدوابى "

اولا اهلا وسهلا بيك ياعم محمد

احب اسأل سؤال
بقالك كم سنه متغرب عن منيحه وهل انتا مرتاح وماهى الجمعيه التى تشرف عليها وماهو نشاطها
العبودى

بسم الله الرحمن الرحيم ابنائى الاحباءشكرا لكم كل الشكر وابدأ معكم ببياناتي الشخصية ............ 1 - اسمى : محمد سعيد موسى .................. 2 - عمرى : 55 سنة 3 - متزوج من العتايقة انجبت اولا بنتان رائعتان ثم ولدان اروع ...... 4 - بكالوريوس تجارة خارجية جامعة حلوان ...........5 - مقيم بحى الهرم فى الجيزة وفوق الجبلى بمنيحة .......... 6 - امتلك مركز لصيانة الاجهزة المنزلية الكهربائية . من " تكييفات وغسالات وثلاجات وتليفزيون وفيديو وكاسيت ودش "
7 - هوايتى المضلة انى اسعد الناس واشوف البسمة منورة على وجوههم ..... والباقى عارفينة
8 - طبعا لا تعليق لانكم ناس زى الفل وانا لما دخلت المنتدى حسيت انى فى بيتى ووسط ولادى حبايبى ........اشكركم وتفضلوا سأبدأ بعون الله بالرد على اسئلتكم .....خلى بالك معايا يا محمد عبدالاله وركز وساعدنى شوية هو انا مش عمك ولا ايه ؟ .

العبودى المحترم جدا شكرا لك وترحيبك : والله انا اتولدت بالبلد الحبيب وبعدها مباشرة تفضل والدى الكريم باحضارنا للقاهرة وما زلت اعيش فيها واولادى ولكنى دائم السفر للبلد التى لا استطيع ان ابتعد عنها ..................................وتسأل هل مرتاح ؟ لا اعرف ما تقصده اكيد ما حد بيرتاح وهو فى الغربة فالغربة شىء موحش ومتوحش تأكل الصبر ولكن هاه ...اكل العيش .بس ...والجمعية التى اشرف عليه هو انا ... من سنة 90 وتقريبا حتى 2002 كنت سكرتير جمعية منيحة بالعرب وقبلها بالضاهر ثم تركت العمل الاجتماعى لمدة سنتين ثم الح عليا الا الفاضل / حمدى ابوكريم لامسك سكرتير جمعية منيحة بامبابة ومازلت

اوناااااااااااااااااااااااااااااااااااااااااااتى : ......شكرا لمدحك الجميل اللى زى العسل يا بنتى وبعدين من الطبيعى ان الواحد لما يخاطب ناس زيكم وبالجمال ده لازم يقول كلام راقى ومحترم لانكم اهل المنتدى جميع اهل لذلك ...... بتقولى مالذى يزعجك فى مجتمعنا الحالى؟ باين قصدك ايه اللى مش بيزعجك ؟ دا باين انتى مش عايشة فى مصر .. اللى بيزعجنى كتييييييرالزبالة فى كل مكان السلوكيات عند الناس باظت الزحمة الاسعار الاخلاق بقى فيها ازمة الوف قرب يخلص دورى عليه وادينى شوية و..........قولى وما تعديش ... وعشان كل ده انا احب منيحة . ..................................................ومن ناحية تقييمى لمنيحة برضه لم تحددى من ناحية اية لكن انا حاسس انها بالنسبة لى جنة الله فى الارض.. واللى بيشغل بالى دايما هو قلقى عليكم ولكن اتذكر ان الله موجود هو يدبر الامر كله ............................. والنصائح التى اريد ان انصح بها الجميع من اصدقائى الاعزاء هى تقوى الله فى السر والعلن وعليكم بالحب حبوا بعضكم وحبوا الناس لان الحب من اعظم الامور التى وجدت بين الناس وشكرا لكى يا بنيتى ومرورك الكريم العطر

اهلا يا حلو مستعد
1 _من انت
2 _ايه رايك في المنتدي بصراحة
3 _ما هي اهم الايجابيات والسلبيات في المنتدي
4_ ايه رايك في مجلس الادارة
5_ ترشح من للجلوس بعدك
جاوب علي الاسئلة دي ونكمل بعدين