انواع البنات على النت

العاقله!!


لما تفتح متكلمش حد.. تستني الكل يرحب بيها وهي تبتسم وتقول شكرا..
واذا حد بعتلها لها فايل او رابط اغنية حطت له علامة استفهام وتسكت نص ساعه ماتكلموش..
ولما تكون متحمسه في الكلام.. تكتب كل كلمة في سطر وتضغط انتر.. تخاف من الاخطاء الاملائيه.
وضحكتها عبارة عن ابتسامه واذا كانت مبسوطه اووي تحط ثلاث ابتسامات.




المصلحجية!!


متسلمش عليك الا مرة في الشهر.. تدخل عليك فجأه وتحط لك ورده.. مع انها كل يوم متواجده وساكته..
وتستخدم مشغول او في الخارج.. واذا احتاجت مساعدة تجيك وتسلم عليك وتقول فينك من زمان مشفتكش؟ مبتسألش عليا ليه؟ وحشتني وشوية تلييف برضه من النوع ده
ساره اختي كل يوم تفتح واوصيها تبلغك السلام لاني مشغووولة في الدراسة..
وبعد ماتخلص مصلحتها تقولك عن اذنك حروح اكمل مذاكره واختي حتقعد مكاني


الرسميـة!!


ترتب المجموعات الى قسم العائله و قسم الزملاء فقط.. طبعا مافيش قسم اصدقاء.. واغلب كلامها زي .. احترم نفسك.. او
رجاء دي امور خاصة بيه.. ولما تسالها ايه اخبارك؟ ترد انا كويسه وتسكت.. واذا سلمت عليها ترد هاى وتسكت..
ولما تعطيها اهداء تقولك اشمعنا انا بالذات؟ .. واغلب وقتها تقرا مواضيع في المنتديات
في قسم الرأي الاخر.. وتعشق برنامج الاتجاه المعاكس.ههههههههههههههههههه



المجنونه!!


دي كل كلامها ضحك.. وكل شويه تكتب نكته وتضحك مع نفسها.. وضحكتها طويله تقريبا تلت سطور..
واغلب كلامها بالصور.. تستخدم كل صور وغلطاتها الاملائية كتيرة.. وتجمع عدة اشخاص في صفحة واحده.. وتتكلم عن ثلاثة مواضيع في وقت واحد....وكل شوية تغير الصورة الجانبيه.. .. ولون الخط ههههههههههه


الغلسه!!


تغيب أيام طويلة متعرفش بتروح فين وترجع فجأة.. وكلماتها مثل.. ايه اخبارك يا غلس متزعلش من اختك انا بهزر
.. وثقافتها ماتعدى المتوسطه .. وضحكتها زي كده هع هع هع
..وتكتب بلون اسود لانها ماتعرف تغير الالوان ههههههههههه.



البطــــة!!


طباخة ممتازة وتحب تتكلم عن الاكل.. ودايم جوعانه.. ونقطة ضعفها الجالاكسي جواهر والمكرونة الاسباجيتي.. وقبل معاد العشا بساعه يكون مزاجها مش رايق ..
ولما ينادوها للعشا تقفل بسرعة البرق.. ههههههههههههههه..
ودائما تتكلم عن تجاربها الفاشلة في الريجيم .. مستحيل تشوفها في النهار لان الجو حار.. اوقاتها من العصر و طالع.
دمها خفيف ومرهفة المشاعر وأقل موقف ممكن يبكيها.


البريئــة!!


عمرها يكبر وعقلها مايتغير.. مازالت طفله وعلى نياتها.. تثق في كل الناس وبسرعة تتأثر.. وكل يوم تسألك عندك كام سنة؟
تعشق سبيس تون وبينك بانثر وهزيم الرعد و تحب تتكلم عن الأزياء والتسريحات وباربي.. تتواجد في العصر و المغرب لانها تنام بدري.. ماعدا يوم الخميس طبعا
شعارها الدنيا حلوة.. احيانا تجيك سكتة قلبية من غبائها ومع ذلك هي الاولى في المدرسه.. لو بلغتها باسرارك بتفضحك في كل المنتديات..
تخاف من الأرنب والقطه و أي شي يمشي على اربع رجلين.. حتى انت لو تمشي على اربع بتخاف منك


الكذابة الهابلة


اسمها الحقيقي فردوس .كريمه.زينب . فتكات .. وتجي على النت وتقول اسمي نانسى او هيفا او بيرى.. ودايما تنتقد و مايعجبها العجب.. واذا شافتك مشغول
الرد بيكون هوالشتايم
ههههههههههههههههه


تحتار ازاى ترضيها.. تد يها اغنية تقولك مابحبش الاغاني.. ..كل حاجة تضايقها وكل حاجة تزعلها..
.. ماتعرفش تجامل ولاتمدح الا نفسها.. دايم توصف نفسها بالجمال والرشاقه

يا ريت كل واحده تدخل وتقرا الموضوع تقول هى مين فى الشخصيات دى

ههههههههههههههههههههههههههههه يا حرام كل الشخصيات دى انت قابلتها يا حسن وانا اقوووووول انت ليه متعقد من البنات اتااااااااري
يلا معلش تعيش وتاخد غيرها ومش هقولك انا مين من دول علشان انا ولا وحده من اللي ذكرتهم ومااعتقدش ان ولا بنت من المنتدي فيها الشخصيات اللي ذكرتهم

ومالو انا لوقابلت كل دول دى استفاده ليه وادينى استفدت وعرفت كل واحده وشخصيتها عشان لما اقابل ناس زى كده اعرفهم من اول ما اكلمهم وبما انى قابلت كل دول وعرفتهم وبحكم خبرتى اسمحيلى اقولك انت انتى شخصيتك فى دول هى البريئه مع التغاضى عن كلمه غباء

مشاء الله عليك يا ابو على ايه الجمال ده وايه التعبير ده

أنت طلعت مشكله بجد
وايه التجاره دى بس

صح كلامك يا اختى انا بقالى أكتر من 6 اشهر مفيش شخصيه بكده ولله الحمد لحد الحين

ربنا يسترها

الله عليك يا حسن يا حبيبي شوف لينا واحده تكون تقيله وعلي الريحه شويه

مشكورين يا شباب على ردودكم الجميله وان شاء الله اشوفلك واحده تقيلة بس سكر زياده يا ابعجوز

ههههههههههه

شخصيات روعه و الله

شكلك قديم فى المنتديات يا أبو على


وعلى فكره انا منهم للشخصيات دى

تصور مين ؟؟؟؟

ننتظر تشخيصك للملامح أخرى

الله عليك يابو علي اية الحلاوة دي
والنوع ابتاع البطة قابلتو كتيرلاكن انا عايز اعرف مين اللي فسر الشخصيات دي

ايه الحلاوة دى يا حسن بس بصراحة مايبانش عليك خالص طلعت خلبوص كبير بس عاوز اقول ان الحياة توريك ان اى انسانة الا وفيها جزء من كل اللى ذكرت محاسنهم وعيوبهم الكمال غير موجود ولكن يا حسن هو الرزق كل واحد ورزقة انت بتختار والباقي على الله ولو الانسان شاف ان زوجته او خطيبته او حبيبته هى اجمل واحلي انسانه من جواه هيلاقي ده والله يابني المهم القناعة بالمشاركة

شكرا يا اخت بنوته العاصمه على كلامك
وعلى ما اظن انك انتى ممكن تكونى البطه بس ما اعتقدش انك بتعملى رجيم
ملحوظه : انا مش قديم فى المنتديات ولا حاجه ده اول منتدى ابقى متواصل فيه الاول كنت ادخل على المنتديات اخد اللى انا عايزه وبعدين ما ادخلش تانى

بسم الله الرحمن
ههههههههههههههه انت مشكله كبيره ايه الحكايه اليوم كلكم منزلين مواضيع فظيعه علي البنات
كده هتقوم ثوره من البنات ضدكم وفي النهايه هيخرجو من المنتدى ههههههههههههههه

بسم الله الرحمن
(هههههههههههههه)
المفروض انت بقى الى تقول ان فيه بنات كده على المنتدى ولا لا
وبعدين صح مالكم ومال البنات حامين علينا كدا ليه دا احنا غلابه اوى ههههههههههه
وصح هنعمل اعتصام ولا بنت تخش المنتدى بعد كده الا لو بعتو اعتزار رسمى هههههههههههههه
بس جميله جدا ماشاء الله عليك

اولا يا غالى مبروك ع الاشراف متاخره شويه صح

بس ان تاتى متأخرا خير من.......

ثانيا ايوه كدا صحصح المنتدى بمواضيعك الجميله