عفوا رصيدك لا يكفى للمكالمة

بعد ما صليت الظهر طلعت الموبايل وجيت أتصل ..
ردت عليا واحدة قالتلي " عفوا رصيدك الحالى لا يكفى لاتمام هذه المكالمه"

فتضايقت جدا وجريت على السنترال وشحنت عشان المكالمه كانت فعلا ضرورية

وساعتها جاء فى بالي موقف هحكى لكم عليه وارجو منكم أن تعيشوه معايا

تخيل يوم القيامة .. وكلنا واقفين بين يدي الله سبحانه
ومنا اللي هيدخل الجنة - ربنا يجعلنا منهم
ومنا والعياذ بالله اللي هيدخل النار - الله لا يجعلنا منهم

فتخيل لو انتا جيت تدخل الجنة فنادت عليك الملايكة مع الفارق طبعا
"عفوا رصيدك الحالى لايكفى لدخول الجنه"

شعورك ساعتها هيكون إيه ؟

وطبعا رصيدك مايكفيش عشان كفة السيئات رجحت على كفة الحسنات

طيب السؤال : ليه ؟؟ !!
دي الحسنة بعشر أمثالها .. والسيئة بسيئة واحدة بس
فلما كفة السيئات ترجح على كفة الحسنات أكيد فيه خلل حصل صح ؟

الخلل ده هو ( التهاون في ارتكاب السيئات )
وعلى الصعيد الآخر ( التكاسل عن فعل الحسنات )

فكانت النتيجة إن كفة السيئات رجحت على كفة الحسنات وبقى :
رصيدك لا يكفى لدخول الجنة !!!!!

وطبعا لما بيرد عليك الكمبيوتر عشان يقولك كدا
بيكون على سبيل التنبيه يعني ممكن تروح تشحن وتتكلم براحتك
إنما ( عفوا رصيدك لايكفى لدخول الجنه ) مفيهاش رجوع تاني خالص !!

عشان كده وعشان مانسمعش كلمة زي دي يوم القيامة والعياذ بالله
يلا نحافظ على رصيدنا من الحسنات ونزوده .. ونشحن أول بأول !!
ونحاول على أد ما نقدر نتجنب السيئات عشان ندخلها سوا
..الجنة ..

وبدل ما نسمع إن رصيدنا ميكفيش لدخول الجنة نسمع :
" ادخلوها بسلام آمنين .. "

جعلنا الله وإياكم من أهلها
آمين

- عن أبي هريرة رضي الله عنه قال : قال رسول الله صلى الله علي وسلم : ( كلمتان خفيفتان على اللسان ثقيلتان في الميزان حبيبتان إلى الرحمن : سبحان الله وبحمده : سبحان الله العظيم ). الجامع الصحيح للألباني .

كم هى كنـــــز ربانيــــه

تركها لنا المولى عز وجل ونغفل عنها

نسال الله العلى القدير ان يوفقنا وان يثقل موازيننا

انه ولى ذلك وانه على كل شى قدير

وَجَاء رَبُّكَ وَالْمَلَكُ صَفًّا صَفًّا *
وَجِيءَ يَوْمَئِذٍ بِجَهَنَّمَ يَوْمَئِذٍ يَتَذَكَّرُ
الْإِنسَانُ وَأَنَّى لَهُ الذِّكْرَى

بوركت استاذنا الحبيب على نقلك

(( اللهم اغفر لي ولوالدي وللمسلمين والمسلمات المؤمنين والمؤمنات الاحياء منهم والاموات))

يَوْمَ يَفِرُّ الْمَرْءُ مِنْ أَخِيهِ *
وَأُمِّهِ وَأَبِيهِ *وَصَاحِبَتِهِ وَبَنِيهِ *
لِكُلِّ امْرِئٍ مِّنْهُمْ يَوْمَئِذٍ شَأْنٌ يُغْنِيهِ)

وعندها تتمني

(رَبِّ ارْجِعُونِ *
لَعَلِّي أَعْمَلُ صَالِحًا فِيمَا تَرَكْتُ)

بلا جدوي

وعندها تتحسر

( يَا لَيْتَنِي قَدَّمْتُ لِحَيَاتِي

بلا جدوي

وقتها تقول

(لَوْ أَنَّ لِي كَرَّةً فَأَكُونَ مِنَ الْمُحْسِنِين)

شكرا لك على ماقولت
تشرفت بمرورك الطيب
على قلبى دائما
تســـــلم
يامــــدير

» عفوا انا لا اتكلم ,,,,