يارب الأدارة تعبرنا فى هذا الموضوع ماطنش

الساده الحضرات

الادارة الموقره
الاداره الكريمه
اناشدكم واتوجه اليكم اجمعين الادارة والاعضاء
لماذا موضوع الوصاطه متكرر عندنا فى النتدى

ليه الواحد لما ينزل موضوع مفيش حد بيرد عليه
وخاصه لما يكون راجل هوا اللى منزل الموضوع
انا شايف لما تكون بنت مزله موضوع الكل بيرد
وعندى الدليل دا اذا رديتو عليا فى الموضوع دا
وياريت محدش يزعل من الكلام أو يمكن تحزفونا زى ماحزفتو ناس
بس على فكره موضوع الحزف دا خلانى افتكر حكم مبارك علينا
كان اللى يتكلم الصح كان يعتقلو
وانتو اللى يتكلم الصح توقفوه او تتطردوه
ياأداره كدا عيب والله تخلو الاعضاء تزعل من بعض وتخلو ابناء هذه القريه
يمسكو فبعض بعبارات التلبيخ والاستهزاء على مواقع النت
اطلب منكم الادارة والمشرفين والاعضاء الا تطنشو موضوعى
فالادارة هيا اللى تشجع الاعضاء على المرور داخل المنتدى مش تجيب له احباط من عدم الرد

والسلام عليكم ورحمة الله وبركاته

يامحمود كلامك موش واقعي لان الادارة ملهاش في الرد الي بيرد علي موضوع يكون واقعي ويستاهل الرد موش عشان بنت وكلام الي بتقول علية دة موش كويس ارجو ان تختار لغة احسن من كدة ياريت

نـــــــــــــــــــــــــــــــــــــــــــــــــــــــــــــــــــــــو

كــــــــــــــــــــــو مـــــــــــــــــــــــنـــــــــــــــــــــت

:evil: :evil: :evil: :evil: :evil: :evil: :evil: :evil: :evil:

ياأخ أمام ماتسيبش الموضوع وتتكلم عاللغة انت مش حتعلمنى اتكلم أزاى

وأيه موضوع الواقعى دا واللى يستاهل

يعنى الادارة مابتردش غير على اللى يستاهل صح كلامك وأنت كده اكدت الكلام

وأشكرك عالمرور

وايه نو كو منت يادكتور دى لغة جديد ولا دى لغة المشرفين بقيت فى المنتدى

عمومأ يا سيد محمود انا موش حعلمك الكلام
وحاجة تاني حابب اوضحة ليكي انا موش في الادارة عشان تقول وضحة الصورة عموما اوعدك موش حرد عليك تاني اوكي يا سيد محمود قول الي انتا عاوز تقولة لان؟

مالك زعلان يا حودة ومين زعلك انا احب الانسان يدخل فى الموضوع على طول

الادارة ما حتقول للأعضاء شاركوا هنا أو ما شاركوا هنا وانا عن نفسى

لية موضيع كتير ما حد رد عليها فى المنتدى ازعل لا ما ازعل دى حرية

شخصية للأعضاء

واعضاء الادارة كذالك ياما كتبوا موضيع وما حد رد عليها او شارك

واية نغمة حزف الأعضاء مين أتحزف قبل كدة وحاجة تانى

انا شايفك ما بتدخل على المنتدى كتير علشان تكتب موضيع وما حد يرد عليها واذا كنت عاوز حاجة

من الادارة راسلها على الخاص بطلباتك

يا حودة بلاش نشوة الحاجات الحلوة فى حياتنا ونتصيد الأخطاء لبعضنا

دة إذا كان فية أخطاء ولا هى قنبلة نرميها وخلاص ونشوف رد فعلها أية

وبعدين فين البنات اللى فى المنتدى أصلاً يا محمود الحوار يكون

بالهدوء ومن غير عصبية دة إذا كنت تبغى الخير للمنتدى

نــــــــــو كـــــو مـــــنـــــت
فيه مثل بيقول الحدق يفهم وبما انك مش حدق انا اوضحلك قصدي

قصدي بعد مقريت كلامك وشوفت اللي انت كاتبو لقيت مينفعش يترد عليك ولا حتي اضيع وقتي معاك

ربنا يصلح حالك

شكرأ على مرورك يادكتور وبارك الله فيك

انا كنت شايف الادارة وين راحت

الأخ الفاضل محمود

أشكرك على فتح باب المناقشه للموضوع وأسمح لى أن أشارك برأى

كعضو عادى داخل جدران المنتدى وليس بصفتى رئيساً لمجلس الإداره

بالنسبه لموضوع الرد على مواضيع البنات وتجاهل الرد على مواضيع الشباب

قد يكون رأيك صحيحٌ وإن كنت متابع بإستمرارأو بشكلٍ ما

لما يجول داخل أرجاء المنتدى وأعتقد إنك على يقين تام

أن فى الفتره الأخيره يعانى المنتدى من فقرٍ فى المشاركه

سواء من البنات أو من الشباب وبالأخص البنات

كم من فتاه تدخل بشكل مستمر على المنتدى ؟

أستطيع أن أخبرك بأنهم لا يتجاوزوا أكثر من ثلاثة شخصيات فى الفتره الحاليه

وعدم الرد فى المواضيع أحياناً يتحمله كاتب الموضوع

إختياره للموضوع وتنسيقه بشكل جميل من أهم الأسباب الرئيسيه

التى تؤدى إلى جذب الأعضاء للرد على مواضيعك وربما تتمتع الفتيات

بهذه الميزه والتى تجذب الأعضاء بشكل أو بآخر .

* موضوع الوساطه والمجاملات

إن كنت ترى أن هناك أشخاصاً ليست بكفء فى مناصبها

كإدارين _مراقبين _مشرفين

فهذه وجهة نظرك وما علينا سوا قبولها بصدرِ رحب

وهذا لن يؤدى إلى معاقبتك أو حذفك كما تقول

بالعكس من حق أى شخص التعبير عن رأيه لطالما لم يخرج

عن سياق الأدب والأحترام وهذا ما رأيته مُتبع من شخصكم الكريم

وربما يكون موضوعك سبب لتحفيذ الأعضاء على المداومه والمشاركه

*أما بالنسبه لموضوع لرد الإداره على الموضوعات

مجموعة الإداره أُنشئت خصيصاً للقبول الإقتراحات وإدارة الشئون

الخاصه بالمنتدى وليست للرد على الموضوعات

لأن الرد على الموضوعات قد يسبب ما لا يحمد عُقباه من داخل الإداره

ومن الأعضاء وعلى سبيل المثال

قد يرد عضو واحد من الأعضاء الخمس بأسم الجميع وقد يختلف

معه شخص أو أكثر لأن الرد لا يعجبهم

وقد يحدث المثل من الأعضاء ستجد من يقول

الإداره ردت على موضوع هذا العضو وتجاهلت موضوعى

وقد يكون هذا غير متعمد من جانب الإداره وهذا سيؤدى إلى

هروب الأعضاء من المنتدى ولكن مجموعة الإداره كأفراد

تحاول الظهور بشكل منتظم بحكم منصبهم

وكما ذكرت مسبقاً بإن الإداره هى من تشجع وتحفذ

الأعضاء على المشاركه وهذا ما نعمل عليه جاهدين

فى هذه الفتره والفترات المقبله إن شاء الله

*موضوع السب والقذف لا يسمح به إطلاقاً داخل المنتدى

ومن يخطىء يُعاقب ولا فرق بين عضوِ جديد أو مشرف أو إدارى

وما يحدث خارج المنتدى لا نستطيع التحكم به

وفى النهايه يا أخ محمود أتمنى أن تتقبل مشاركتى

بصدرِ رحب وأشكرك على فتح باب النقاش للموضوع

نسأل الله العلى القدير إن يوفقنا للصالح العام

شكراً لك

الاخ/محمود
انت اتكلمت فى نقطة واضحة جدا
بس الادارة ملهاش زنب فى هذا الموضوع
دى فى يد الاعضاء
وانت عارف لو فى اجابة غير كدة كنت قولتها

على العموم انت اطرح مواضيعك وان هرد عليك
ههههههههههههههههههههههههههههههههههه

الاخ الفاضل\ محمود
بالنسبه الى موضوعك
فهو ليس بيدى الاداره
وعلى راى الاستاذ\ابو محمد
دى حريه شخصيه
يعنى مش اول ماواحد
ينزل موضوع التانى يرد
لا فى اعضاء لا يعجبهم المواضيع
فاذاليس لهم برد على الموضوع
بالنسبه الى المجاملات اخى
احنا مش بنجامل حد
فانت شايف كده وغيرك شايف كده خالص
هل قبل كده رايت مشرف مجامله ادارى مجامله
او من الكلام ده

وعلى موضوع البنات
هى فين البنات ياراجل
والبنات
بتضع موضوع واحنا نرد
والعضو التانى مش نرد ليه
هذه ليس بطريقه كلام
اســـــف على الاطـــــاله

احب ان اشكرالادارة لسعة صدرها فى هذا الموضوع

واوجه كلامى لاخى محمود واقول له انك دايما متسرع فى موضوعاتك وفى كلامك واقولك ان الادارةلم تجبر احد على الرد لموضوع كاتبه احد الاعضاء
وانا منذو التحاقى بالمنتدى لم اشوف مجموعة الادارة ترد على موضوع لعضو بل بالعكس ترد على اقتراح مقدمه عضو اورسالة موجهها عضو للادارة

ولا يحق لك ان ترد على اخيك الاكبر امام على ابو محمد بهذا الاسلوب حتى لو اخطأ فى حقك وانا من وجهة نظرى لم يخطأفانت لم تفهم وجهة نظره وماهو مفهوم كلامه

وعنوان الموضوع اللى انت كاتبه لايصح منك ان تكتبه فالادارة تعبر وترد على كل واحد يراسلهااو يقدم لها اقتراح اما محتوى موضوعك فكل كلمة فيه ليس لها اساس من الصحة والدليل على ذالك انك كنت بتنزل مواضيع كثيرة وكان بيترد عليك من الاعضاء ويحيوك والى مابيرودش على موضوعك فادا حرية شخصية وانت عن نفسك بترد على جميع مواضيع اخوانك الاعضاء طبعا لا
وانا عن نفسى لم اشاهدك تدخل للمنتدى من اكثر من شهر ونصف يعنى غايب ومنقطع بموضوعاتك اللى زعلان عليها واول ماترجع تدخل بهذا الموضوع فهل هذا يصح منك شارك بمواضيعك وشوف وبعدين اتكلم

ومقولة ان الادارة تحذف وتوقف الاعضاء بمزاجها فهذا غير صحيح فهى تحذف او توقف الذى اخطأ والذى لم ينصاع لقرارتها ولو توقفه فجأه بل كانت تحذره الاول وحصل معى هذا انا وعضواخر عندما كنا منزلين هواتفنا فى التوقيع فحذرتنا على الرسايل الخاصة فانا امتثلت للقرار والعضو الاخر لم يمتثل فقامت الادارة بعقوبتة بالوقف 15يوم

واعتب على اخى الدكتور لان رده مستفذ على اخيه العضو وكان يجب عليه ان يرد ويستقبل المواضيع بصدر رحب مثل ما فعل اخواننا الاعضاءفى الرد على اخونا العضو

واوجه تحياتى لمجموعة الادارة واخوانى الاعضاء
وخاصة اخى الاكبر امام على ابو محمد واقول لك انك لازم تشارك برأيك ولاتخشا فى الحق لومة لائم ولاتقول لم ارد على احد يزعل من ردك فى موضوعه

واشكر اخى صابر السمطى ابو مؤمن على كلمة الحق الذى قالها فى مشاركته فى هذا الموضوع واهنيه لرجوعه لمنتداه الغالى ومشاركاته

والله الموفق

واشكركم على سعة صدركم

ما شاء اللة عليكم يا أبناء عاصمة الجنوب هذا هو الحوار الذى نبغية

نختلف فى الرأى ولكن بكل أدب وأحترام لبعضنا البعض لأن فى الأخر نحنوا

أخوة وبيننا صلت رحم وقرابة ولا نبغى إلا المصلحة العامة لقريتنا

الحبيبة ولا يوجد فى المنتدى شخص أفضل من الأخر كلنا يد واحدة ان شاء

اللة لكى نرتقى بمنتدى عاصمة الجنوب وكما أشكر الأخ عبدللة على

مشاركتة الرائعة وأبداء رأية بكل حيادية وصراحة ولم يجامل أخية

وكذالك أحى الأخ محمود على طرحة هذا الموضوع وانا على يقين انة

يريد لهذا المنتدى التقدم والأذدهار وقد تبين لى أن فى قريتنا

شباب واعى ومثقف واشكر كل من شارك برأية فى هذا الموضوع

والأختلاف فى الرأى لا يُفسد للود قضية

وتقبلوا تحياتى

أأحب أن اضيف لكم
حاجه بسيطه جداً
ولاكنها مهمه جداً جداً
إحنا أولاد بلد واحده
وتربطنا علاقات ببعضنا البعض
وأهما العلاقات الأسريه
وزي ما كبارنا قالوا
إن البلد شلابيك
يعني ماحدش خالي من التاني
ومافيش قبيله في منيحه
إلا ولها مصاهره ونسب مع كل القبائل
لذلك تجدنا كلنا في النهايه إخوه وأبناء عمومه
أو عمات أو خالات
مين فينا مالوش حد في
الجعافره بمختلف بيوتها
الفقراء و الحسيناب
العبابده
الغنادير و السروراب
السمطي
العليقات
الأنصار .. الحماديه
البريديه
الكنوز
العدواب
الخزاميه
وأتمني إني ما اكونش نسيت حد
بس دا للتزكير إن إحنا واحد
تربطنا صلات قرابه بعضنا البعض
ففي النهايه .. كلنا هل

اتوجه أولأ بخالص الشكر للأدارة الموقرة

الأستاذ/أحمد يوسف بارك الله فيه الأخ ماقصر بموضوعه فى القسم وداخل الدردشة امس فأنا أشكره شكرا جزيلا
الحاج /محمود غندور بارك الله فيه

أخى الغالى /عبدالله محمدصالح الله ينور عليك ياسيد أخوك

أما لباقى الاشخاص اللى ردو عليا أنتو شوفو طريقة كلامهم فى ردهم عليا بصراحة طريقة ردهم

عاوزكم انتو اللى تقولو عليها هل هى فيها غلط ام لا

بصراحة الأخ أحمديوسف بارك الله فيه رد على بكل هدوء وبكل تفاهم زى ماانتو شايفين ياحضرات

وكذالك الحاج محمودغندور بارك الله فيه والأخ عبدالله والأخ صابر السمطى والأخ على الحويو

فكلامى اللى كنت موجهه للأدارة فموضوعى هذا تكون الردود هذه مثل لكلامى

فأخر كلامى للأدارة الموقرة أن تختار أشخاصها وأن يكون فيهم مواصفات الشخص المقنع للكلام الشخص

اللى يكسب عضو داخل منتدانا العظيم بكلامه الجميل مع الناس بصدره الرحب بكلامه المقنع

بمواصفاته الطيبه مش ناس عاوزه تشاكلنى يأدارة أوتتجاهل كلامى أصلا

والسلام عليكم ورحمة الله وبركاته

والله المستعان

السلام عليكم ورحمه الله وبركاته
الاخ\محمود
ردودنا على مواضيعك
ليس بشجار
فان كلامى مظبوط
وان انت كنت عاوز
تقول ان كل واحد يشوف رده ازاى
انا عن ردى وكلامى مفهوم وقدامك اها
ونحن هنا ليس بشكل زى مانت بتقول
وانا مش بتجاهل كلامك
انا برد على موضوعك عادى
واللى شايفه فى نظرى
تقبل مرورى

أشكرك ياأخ بلال ومفيش أى شئ وحصل خير

واعتب على اخى الدكتور لان رده مستفذ على اخيه العضو وكان يجب عليه ان يرد ويستقبل المواضيع بصدر رحب مثل ما فعل اخواننا الاعضاءفى الرد على اخونا العضو

ِدا كان كلامك ياعبادي

انتا بتقول علي كلامي انا مستفز
طب شوف الموضوع بتاع محمود انا قريتي قولت لا تعليق لانو فيه تجريح
انا اللي قولتو بعد مقريت الموضوع
نو كومنت لا تعليق دي فيها شئ انا مش شايف فيها شئ

شوف رد محمود عليا

وايه نو كو منت يادكتور دى لغة جديد ولا دى لغة المشرفين بقيت فى المنتدى

دا رد محمود يبقي مين اللي مستفز فينا
يعني موضوعو مستفز وردو كمان مستفز

يبقي العتب عليا في ايه ياعبادي
انا مش شايف نفسي غلطان مش انا اللي اغلط ولا ده اسلوبي مع اي حد بحترم الصغير قبل الكبير بس مبحبش التجريح والصراحه متزعلش
واللي مرضهوش لنفسي مرضهوش لغيري

وفالنهايه كلنا اهل

شكرا لك اخى الدكتور على اهتمامك وردك المقنع

وزى ماقلت انت كلنا اهل وفى بيت واحد هو منتدانا الغالى وانت من الاعضاء المجتهدين والمهمين الى بيرقى بيهم المنتدى

واشكر جميع اخوننا الاعضاء الذين تناولوا هذا الموضوع وتعليقهم الطيب عليه

» شكر وتقدير من المديـــــر العام نياباً عن نفسى وعن الأدارة الموقر
» من سيربح في مبارات مصر وإنجلترا
» قد ان يارب...قد ان يارب
» يارب العالمين
» دعاء يارب