مواصفات الرئيس المصرى القادم ؟؟؟ فى رأيى المتواضع

مواصفات الرئيس القادم فى رأيى المتواضع

كل يوم الصبح يسمع أغنية دامت لمين.

ما يعملش زيارات مفاجئة للمصانع يوم السبت الساعة حداشر، احنا اللي حنعمل له زيارات مفاجئة كل تلات ساعات.

مايفتكرش انه عشان بقى رئيس انه قائد الثورة

مايقولناش الإخوة و الأخوات.. أمي ما خلفتش غيري انا واخواتي

الي يقول كلمة بناء علي تعليمات السيد الرئيس يعدمة مباشرة من غير محاكمة

يكون بيتكلم و يفهم إنجليزى من غير ما يطرطق ودانه

ولو نجح بنسبة اكتر من 60% في الانتخابات يتحاكم

يبقى عارف اننا منتخبينه هوه مش هوه ومراته و ابنه و اخواته و امه و عيلته كلها

يبقى عنده فيسبوك و تويتر بس معندوش فارم فيل ..ويكتب تويت واحده ف اليوم عشان ميضيعش وقت الشعب

ميقعدش يصبغ شعره ويحط مكياج ويفتكر نفسه حمادة هلال

يكون متواضع جدا ...اه طبعا .....لا مش لدرجة يقعد في خيمه دي تبقي فال شؤم

مراته لازم تاخد لقب سيدة مصر الأخيرة

مايقعدش فى القصر الجمهورى ياخد شقة ايجار جديد احسن

لازم كل جمعة بعد الصلاة يزور منطقة ويتكلم مع اهلها

ياكل العيش أبو شلن ويشرب من الحنفية

ماتكونش البدله بتاعتو مكتوب عليها اسمه.. عايزينه يجيب بدل من عند ابو نسمه

المفروض يقعد يفر كل حاجة في البلد ، يا راجل كبر مخك.

لازم يبقي عنده ريسيفر وتيلفزيون وبيتفرج علي قناة الجزيرة

بيقول الكيان دوله الإحتلال مش دوله إسرائيل

مايكونش عمل أي ضربات جوية أو أرضية أو فضائية يذلنا بيها

مش كل ما نكلمه يقولنا عيب انا زي ابوكم

ميعطلش المرور عشان يروح مشوار يمشي في الشارع زيه زينا ياما يستخدم الطياره

الخوف من وجهه نظرى هو نتجيه لخوف الناس من نهايه كل شىء بيعكس اردتهم فيخافو حتى من بدء البدايه

لا يبدأ اي جملة بكلمة "سنظل"

ما يقولش على منتخبنا كويس ومايتصلش بحسن شحاته ولا يزور اللاعبين في التمرين.

لازم مايكونش راعى الرياضة والرياضيين ولا راعى الثقافة والمثقفين ولا راعى الفن والفنانين.

ميضحكش علينا ويروح يفتتح نفس الحاجه عشرين مرة.

ميكونش بيصلي العيد قبل العيد ما يبدأ و تلاقي صورته ملطوعه عالاهرام يوم الوقفه الساعه اتناشر بليل.

يبطل كلمة نشجب و ندين.

مايكونش من محبي الاستقرار.

ميكونشى بيشجع الزمالك مش ناقصين هزائم

موضوع جميل بس تحقيقه مستحيييييييييييييل
وانا عن نفسي بحلم برئيس
يجمع بين مواصفات الثلاث رؤساء السابقين
قوة وصلابة وشجاعة وعزة نفس جمال عبدالناصر
ذكاء ودهاء السادات
سياسة مبارك

موضوع صراحه جميل في معظم اللي انت بتقوله بس انت متحامل شويه
علي حسنى مبارك انا معك ان في اشياء كتيره كانت خطاء
بس في اشياء عملوها كويسه
وانا مع راي اخى علي الحويوى احنا بنحلم باجمل صفات
لي الرؤساء الثلاثه ومش عوزين الاشياء اللي معجبتناش فيهم
بس بى الموضوع ده علي فكره احنا كده
عوزين رائيسان واحد يدير الامور الداخليه
ويعمل الي انت عوزه والتانى يديرالشئون الخارجيه
علشان احنا في مصر منضعشى في الامور الداخليه اللي ما بتخلصى وربنا يكون في عون اى رائيس ياتى لي مصر
لان احنا اكبر عدد سكان في العالم العربي
اشكرك علي مواضيعك الجاده اللي مش بعرف ارد عليها احينا انت عوز عالم يرد علي مواضيعك
مش ناس بسيطه مثلا ههههههههههه
شكرا ليك احى محمد
رد مختصر

شكرا للاخ على الحويوى على المرور الكريم وربنا يكرمنا برئيس ميشبهش اى واحد من اللى فاتوا خصوصا مبارك
تسلم ياعلى

والاخت ام مؤمن
احب اوضحلك حاجة كل رئيس له عيوب ومميزات الا حسنى مبارك لم ارى له ميزة حسبى الله عليه
وحضرتك ياام مؤمن اهم من اى عالم يرد على مواضيعى
بارك الله فيكى

مواصفات الرئيس المصرى القادم ؟؟؟ فى رأيى المتواضع 081120203839b4Qq

بارك اللله فيك اخى ابو عبدلله

تسلم الاخ خالد الخطيب
ومشكور على المرور

والله عوزين واحد يخاف الله
ام مبارك الله يسامحه خرب البلد يا ابو عبدالله

شكرا ابوعبدالله والله ضحكتنى موضوع ظريف وفى نفس الوقت جاد جدا
أتمنى ان اللى يحكم مصر واحد مش من اللى عاصروا ثورة 52
يعنى ما يزيدش عمره عن 55 سنة و ما يقلش عن 40 أو 45 سنة

و ما تكونش مراته لها جذور أجنبية زى ما الحكومة بتعمل مع الدبلوماسيين و ظباط الجيش

و الأهم من أى حاجة انه يبقا رئيس شرفى
بمعنى
ان الحكم يكون فى ايد نواب عن الشعب
ينتخبهم الشعب انتخابات نزيهة حرة
و تكون دعاياتهم أعمالهم مش الإعلانات و الهتافات
و مدة كل واحد فيهم ما تزيدش عن 4 سنوات علشان ما حدش يريح و ينسى الناس
و يحق له يرشح نفسه تانى بعد اللى يليه علشان مش كل واحد يقعد على الكرسى يقول " أما أخد اللى أقدر عليه قبل ما أمشى

و ما تكون ليهم حصانة
و يكون شعارنا
لا أحد فوق القانون

كل الشكر والتقدير لمرور الكرام
عمنا الحاج ابوصالح & والاخ ابوايمن
مروركم على احد مواضيعى يشرفنى

» أمير الكويت يهنئ الرئيس المصرى بالكأس
» البطل المصرى المشير احمد اسماعيل ... قائد الجيش المصرى فى حرب اكتوبر 1973 ووزير الدفاع
» مواصفات الزوجه الصالحه
» برنامج معرفة مواصفات الكمبيوتر
» رئيس مصر القادم... ع م ر و ... هل يستحق أن يكون رئيس لمصر