الى كل من يقف فى ميدان التحرير.. ماذا تريد؟

سوف يتم تعديل الدستور المصرى لتكون فترة الرئاسة لا تزيد عن فترتين
تم وقف مجلسى الشعب والشورى وقبول جميع الطعون المقدمة تجاه مجلس الشعب
تم تعيت نائب لرئيس الجمهورية وهو راجل من اشرف الرجال فى مصر(عمر سليمان)

تم تعين رئيس وزراء قادر على عمل تغيرات وهو شخص نظيف اليدين ( احمد شفيق)
تم منع (احمد عز-المغربى- جرانة- حبيب العادلى) من السفر وتجميد اموالهم
الباقى من الفترة الرئاسية الحاليه حوالى 7 اشهر وبعدها اختر من تريد

الى كل من يقف فى ميدان التحرير ماذا تريد ؟
فقط اسأل نفسك
ماذا يعنى تواجد مهندس اسرائيلى فى السويس؟
لماذا اجتمع النواببأيران لفحص ما يجرى بمصء؟
لماذا تؤيد تركيا ما يجرى فى مصر؟
ما معنى ان تكون المنشورات ضد النظام مكتوبة بلغات اجنبية؟
ما هو سبب تواجد فئات غير مصرية بينكم؟
لماذا تجاهلت قنوات الاخبار ما يحدث بالاردن وليبيا وتونس واصبحوا جميعا24 فى مصر؟
انها الفرصة التى انتظرها العديد من دول العالم للدخول والتحكم فى سياسات مصر ومن لم يحدث بالحرب سوف يحدث الان وعلى ايدى من ؟؟؟؟ من فضلك حكم عقلك انه سوف يرحل والباقى من الزمن اقل من 7 شهور فلماذا؟
كانت ثورتكم بسبب اليطالة.... فقد طاعفتم عدد العاطلين
كانت ثورتكم بسبب زيادة الاجور.. فبعد هذه الخسارة من اين تكون الزيادة
كانت ثورتكم بسبب الظلم...فانظر كم شخص تظلم انت الان
كانت ثورتكم بسبب الاسعار ..فقد زادت
الاسعارفى الايام القليلة السابقة اضعاف مضاعفة

الى كل من اراد التغير . التغير قد حدث والى كل من يجدها موضة وهب لالتقاط الصور بجانب الدبابات فعليه ان يتقى الله ويذهب الى بيته ويتقى الله فيما يقول
الى كل من يريد الدمار وتخريب البلد فحسبى الله ونعم الوكيل فيكم

تحيه طيبه وبعد
اولا : شكر الي كاتب الموضوع ولكن اسمحلي اختلف معاااااااااك في بعض النقاط الاساسيه الا وهي :-
1- انت تقول كانت ثورتهم بسبب البطاله فتقول لقد زادت البطاله ليس معني انهم قاموا بثورة من اجل شئ يؤمنون به وترتب علي هذا الشئ امور اخري يبقي هم السبب فهذا شئ غير منطقي .
2- وتقول ايضا كانت ثورتكم بسبب عايزين زيادة الاجور فكيف زيادة الاجور ولكن دعني ابشرك ان وزير الماليه الجديد المحنك سمير رضوان قال انه سوف يزيد معاشات الذين كانوا يعملون في الحكومه الي 15% ودي مبشر خير كشئ مبدئي.
3- كانت ثورتكم بسبب الظلم فكم شخص ظلمت ردي علي هذا التساؤل نفس الاجابه بتاعت السؤال الاول وتزيد عليها ان احنا الحين بننظر تحت رجلينا فيجب ان ننظر الي بعيد .
4- كانت ثورتكم بسبب زيادة الاسعار فقد زادت الاسعار اضعاف مضاعفه ودعني اقول لك حسب ما سمعت من رؤساء الغرف التجاريه للخضر والفاكهه وحسب كلام بعض من الشعب في قناة العربيه وليس المصريه ان الاسعار انخفضت وبعضها عادت مثل قبل 25 يناير ونسال الله الاستقرار.
5- كل من يعتقدها موضه والتقاط لبعض الصور اعترض معاك بشكل كبير في هذه النقطه مشكلتنا اننا بنبص للاضرار فقط وليه منبصش للمكاسب يعني هل ياتري في يوم من الايام شوفت رئيس الوزراء او احد من السلطه كان بيقعد مع معارضه قبل سابق او مع الشباب اللي هما ميزان البلد بس لو اتوظفوا صح لكن نري الان الوضع مختلف جدا عن السابق وغير كده تظهر اصالة الشعب المصري وقت المحن زي عمل اللجان الشعبيه وحماية الممتلكات العامه والخاصه .
6 - اخر نقطه اريد ان اقولها انني في الوقت الحالي وفي نهاية كلامي اريد ان اقول انني معارض لوقفة الشباب حاليا في ميدان التحرير فلنعطي الرئيس والحكومه الجديده لحد نهاية الفترة الرئاسيه واقول كما صبرنا 30 سنه فلنصبر 7 او 8 اشهر ولكني اردت ان ادافع عن الشباب الطاهر النقي غير المخرب الذين عملوا هذه الانتفاضه كي لايضيع ما فعلوه سدي ونسمع لوسائل او نراها ونبخس حق هؤلاء ياخي احنا هنا في الغربة النظره اختلفت لينا احنا المصريين اتقوا الله في هؤلاء الشباب ويجب ان ياخذوا حقهم والا يبخس حقم كل هذا البخس وفي اخر كلامي .
نسال الله السلامه لمصرنا الحبيبه

الكلام صح اخدنا اللى عاوزينه
ولازم نستنى نشوف النتائج ولو مفيش حاجه حصلت ميدان التحرير مش حيروح مكان

طبعاً انا بختلف معاك ياحسن جملة وتفصيلا

انا ممكن اوافق ان الشباب المرابطين فى التحرير دول يفضوا الاعتصام فى حالة ان اللى حصل ده يكون بسببهم
يعنى اولا زيادة الاسعار اللى بتقول عليها سببها الحكومة واجهزة الامن اللى رفضت الافراج الجمركى عن اى سلعة غذائية من الجمارك فى محاولة فجة لتعطيش السوق لرفع الاسعار

اما بالنسبة للاجور الثورة دى حتكون السبب فى رفع الحد الادنى للاجور حتى ان لم يرحل مبارك واى حكومة سواء من النظام او حكومة من خارج النظام لازم تلتزم بالموضوع ده

اما القصص بتاعة الامن واللى بيروجها التلفزيون المصرى دى انه المكاسب اللى تفضل وتكرم وتعطف مبارك ونظامه بها على الشعب اللى لازم يفرح بيها زى الكلب اللى بيترميله عضمة ويقعد يهيص ويزقطط بقى
ده كلام فاضى
التنازلات اللى فاتت كلها والتنازلات اللى جاية ان شاء الله دى بدماء شباب مصر اللى قادوا الثورة واتعرضوا لرصاص ضباط امن الدولة والبلطجية عشان يتعين نائب رئيس وده كله كلام فاضى
ايه يعنى لما يتعين نائب رئيس ايه يعنى لما يتغير رئيس الوزراء وكام وزير
واشمعنى دلوقتى طيب لما بابا حسنى تمام ومية ومية ماهو فى الحكم من قبل احنا مانتولد معملش الحاجات دى ليه من نفسه
لكن كل اللى حصل ده لما حس بالكرسى بيتهز من تحت رجليه

المليارات اللى اتنهبت دى انا ليا حق فيها انا عاوز حقى فى فلوس الشعب اللى بتنهب بقالها 30 سنة دى

وبعدين حكاية الباقى 7 شهور ياجماعة ادوله فرصة فرصة ايه ده واخد 100 فرصة وبعدين فى ال 7 شهور دى حينفخ البلد باللى فيها دى حتخرب امن الدولة محدش حيكمها وحتبقى تصفية حسابات وبعدين انا اصلا مضمنش مبارك ونظامه 7 دقايق مش 7 شهور

ماياما قالوا حنصلح وخربت وقالوا حنعدل وظلموا وقالوا حنمشى وقعدوا

الواد وائل غنيم اللى دعا لمظاهرات 25 يناير اتخطف وقعد 12 يوم متغمى عينيه فى امن الدولة ولا حد يعرف هو فين وتقولى فيه اصلاح ..

وبعدين قصة ان العالم الخارجى مستنى الفرصة عشان ينقض على مصر العظيمة
احب ابشرك بحاجة ياحسن احنا ولا حاجة احنا بلد بتمشى جنب الحيط وبايعين القضية احنا مربوطين فى سلسلة امريكا واسرائيل ومبارك ونظامه اهم عملاء للنظم دى يعنى متخافش الناس دى امريكا واسرائيل عاوزين مبارك وهيتعبوا من بعده

والكذب حصرى على التلفزيون المصرى

» قصيدة هشام الجخ مشهد رأسي من ميدان التحرير ..........................................
» رئيس الوزراء عصام شرف في ميدان التحرير وسط ترحيب كبير
» شوفو المصريين فى فى ازمة التحرير " روعه "
» صقر يحارب حمدى لرفضه مساندة لاعبى الأهلى للرئيس المخلوع فى ميدان مصطفى محمود...................................
» .. ألا تريد -ين-الالتزام !!