حصاد الغربة

حصاد الغربة,حقائب مليانة , خروج وعودة,برا وبحرا , وكل بمعاناته ,غربة طويلة ممتدة,الخالات والعمات , المات مات والباقي باقي ,لا ليك راْي لا ارض لا حزب عندك حزب واحد اْسمه (حول) اتصالات , حوالات,طقم عشاء ودهب كضب ,قراية العيال والجامعات مرة كوته ومرة نسب, البنات المنتظرات العرس , والحكومات وعدم الاعتراف بنضال المغتربين, وآخر المطاف كبر وكرمشة وموت ودفن هنا اْو في طرد متجه غربا(والله المستعان)

كل هذا تجدونه في حصاد الغربة
,,,,,,,,,,,,,,,,,,,,,,,,,,,,,,,

اْمرك عجيب يا مغترب
شايل حقايبك ماشي وين ؟؟؟
ما الغربة طالت يامسيكين
وانت في نص الدرب
والناس هناك ماشايلة هم
لاهم حكومة ولا لحم
سكت ليه يامغترب؟؟؟
حاول اْجب؟؟
الناس وراك دفنت اْلوف
وانت جالس تنتحب
الناس هناك هزمت
طوابير الصفوف
وازدادو نجمات في الكتوف
وانت جالس زي خروف
لا فيك لبن لافيك صوف
شعار جميل مكتوب حروف
زول مغترب
انت يا اْبوي مين اللي زيك
انت مازول مغترب
لا ليك اْرض
لا ليك راْي
لا خطة اسكان لا حزب
انت عندك حزب واحد
اسمه حوّل
اْخوك وراك راقد تعب
جاك اتصال من ناس منال
يا اْخوي حول وماتطول
جدي الخضر عضو الكلب
يا اْخوي حول
في الشهر مرتين
ود اللمين جاهو المقص
في الكليتين
خلآهو زي زول الكٍتب
يا اْخوي حول وما تطول
وجيب معاك طقم العشاء
ودهب الكضب
وانت جالس يامسيكين
الغربة طالت
وانت في نص الدرب
مرت سنين فوق السنين
لا اشتريت قطعة اْرض
ولا سقفت الغرفتين
والحالة طين
يا اْخوي صلي ركعتين
بعد الفرض
يا اْخوي حول جيب قروش
وخاتم الجنيه للسيدتين
اْم العريس واْم العروس
ولا تقول فلنفترض
اْضرب خماسيك في سداسيك
واْضرب الطول في العرض
الغربة طالت
والعيال كبرت وجالت
وانت حالك يامسيكين
والله تغني عن سوْالك
والفكر مشغول
وشايل هم عيالك وين بتقراْ
والغريب كل الحكومات
في البلد تنكر نضالك
وحتي العيال في الجامعات
يامسيكين
بدل الجنيه تدفع ريالك
ومهما تكتب اْو تقول
هذا اختيارك
لا ليك راْي ولا هناك
من يرد ليك اعتبارك
شد حيلك واشتغل
عشرين شغل خارج مجالك
شد حيلك والثغور راجاك كتيرة
ست البنات صارت مديرة
ولسه ما جاها العريس
والبيت ملان
ناس محاسن وناس احسان
يابا ماتخليك معصلج
وانت ماتخليك عويرة
وما مهم ود اللعم
ومامهم من القبيلة
المهم اْبقي راجل
وما اْكون زولا خميلة
اْلم اْقل اْمرك عجيب يامغترب ؟؟
جيت شباب تلبس خفيف
حتي في عز البرد
بعد السنين الجلود اتكرمشت
واْصبحت ودعم القرد
وآخر المطاف السنين
صارت عجاف
شالوك مقفل في طرد
وآخر المطاف السنين
صارت عجاف
شالوك مقفل في طرد.

خلينا صابرين وساكتين أنت حتتعبنا معاك لية بس

على العموم تسلم يا ابو اسلام

بسم الله الرحمن

اه كلام يا ابو اروى وربنا يردنا جميعا الى اهلينا سالمين غانمين

وان يحسن الخاتمة .

تحياتى لكم

بسم الله الرحمن

شاعر ولا حدش بيك دارى

كلماتك جامده ولا تتدارى

بس لو أعرف انت منين جاى

كنت أسبق وأستنى هناك حالى

ما شاء الله عليك

كلمات غايه فى الروعه

نرجو منك أن لاتحرمنا جديدك دائما

صاحب الحس المرهف جدا

مبدع ورئيس قسم والله

marsyy

شكرا للكلمات الطيبة ومروركم الطيب الجميع

ما باليد حيلة يابو اسلام
والغلب الكل ساكت وساير
على الدرب الله المستعان
شكرا لك
ابو هاشم

تسلم وربنا يرد كل غريب الى اهله واحبابه

حصاد الغربة Plane-af6ac71acc

حرام عليك قلبت علينا المواجع
تسلم يا ابو اسلام
كلام جميل وروعة

مشكور ابواسلام على هذا الإختيار الذي يحكي عن واقع مرير يعيشة المغترب بحق

وكثر ما يردد البعض مقولة ( المغتربون يبنون ولا يسكنون ) في اشارة واضحة لطول أمد الإغتراب

نسأل الله ان ييسر امر كل مغترب بالعودة للوطن سالم غانم

ياغريب

ياغريب أرجع وكافي
كفايه تصبر عـ السنين
وطنك صدره دافي
مليان خير وحنين

ياغريب

عيشة الغربه مذله
أرجع لبيتك وأهله
ونيسك تبقى دمعتك
بطرف عينك يالحزين

ياغريب

هناك فى الغربه وحيد
تنام وتصحى عـ البريد
أحنا برضو زيك متعذبين
اى رساله منك زى هلال العيد

ياغريب
انت منيحاوى وأصيل
تنسى بلدك مستحيل
الوطن زيك وأكتر
مالوش فى الدنيا مثيل

تســــــــــــــــــــــــــــــــــلم
يابو اســــــــــــــــــــــلام
وربنا يرجع الجميع إلى اهله وبلده

[size=24]تعبت الناس معاك يا عبدالحي
المفروض تصبرهم وتصبر نفسك معاهم
وتقول
راجع بشوقي ولهفتي من غربتي
راجع لأهلي وناسي ومحبوبتي
داير بعيتي الحايره وسط الزحام
ودي الاقي عيونها وأبدا معها بالكلام
في لحظه طلت من بعيد مزيونه وأحلي القمر
وفهمت منها ما تريد وانا بشوقي انتظر
يا فرحتي محبوبتي يا فرحتي
نساني قربك غربتي يا فرحتي
ونسيت في لحظه الصحاب والخوف من نظرة عتاب
بعينها أقرا سؤال وأرد أنا بعيني الجواب
صارت عيوني الحايره وسط الزحام
تشوف في نظراتها أحلي الكلام
محبوبتي جسمي إرتعش وأنا بعيد
محبوبتي شوقي نقش أحلي القصيد
باكر أكيد بنلتقي باكر أكيد
وأرسم معاك خطوتي باكر اكيد
راجع راجع راجع [/size]

شكرا للجميع على الكلمات الطيبه .

يارب رد غائب الي اهله سالم غانم

وبعدين فيك يا ابو اسلام قلبت علينا المواجع
حصاد الغربة 625961

[size=24]
ربنا يسامحك ويردك الى اهلك سالم غانم من غير سقم

تحيات لك ابو احمــــــــــــــــد
[/size]

أبو أسلام والله ابيات تهز القلب قبل الجسد

وتحكى لنا قصص واقعيه

صدق لسانك وقلمك بما كتبت

أرجعك الله وجميع اهلينا سالمين غانمين يارب العالمين

» من الغربة
» الغربة مرة علينا
» الصداقة
» القلب من الغربة خفق
» علمتني الغربة