قصيده لمصر الحبيبه

تجيب كيلو جبنة وعلبة حلاوة
آتاري العلاوة مجرد أتاوة
و احنا علينا الكلام اختلط
*****
عشان في البداية حسبناها خير
و قلنا نواية حتسند يا زير
و حسنة حتمنع بلاوي كتير
و كنا حقيقي في غاية العبط
*****
في لحظة افتكرنا ان لينا حقوق
و نمنا و صحينا لقينا الخازوق
و قبل اما حتى يا عالم نفوق
لقينا اللي لسه حناخده اتشفط
*****
أفندينا يعني في لحظة تجلي
تعطف تلطف و قرر يخللي
مساحة الغلابة تزيد ستة مللي
و ياكلو بدال التراب الزلط
*****
أفندينا أعلن صدور القرار
و قبل اما ينجح في أي اختبار
فوجئنا بزفة و مولد و زار
قصايد جرايد برامج يفط
*****
تؤكد بأن الحكومة بذكاء
و من حزمة واحدة قضت ع الغلاء
و لابد يبقى لدينا انتماء
و ناكل و نشرب و نلبس خطط
*****
عبال النمو اللي قالوا عليه
و حايشينه عنا منعرفش ليه
ماتلمح مكانا في مرة عينيه
و نقدر ندوق منه حتى نقط
*****
مادام كل حاجة تمام ع الورق
مفيش أي داعي عشان القلق
و لو مش مصدق خلاص اتفلق
ورقنا اللي صح وكلامك غلط
*****
و قاللي مواطن عليم بالخبايا
أفندينا قرر تزيد الجباية
عشان شعبه جاحد قليل الرباية
بياكل و ينكر زي القطط
*****
اذا الشعب صدى بفعل البارومة
حتعمل حسابه ف ايه الحكومة
وهي اللي جاهزة بكرباج وشومة
عشان لوفي واحدفي عقله اتخبط
*****
تعيش مصر دايما في عز و جمال
يعيش الواطن شديد الاحتمال
و آمن تماما من الاشتعال
و أقصى ما عنده ينكت فقط

كلمات فى غاية الروعه واسمحلى أن أشارك معك فى ابيات أعجبتنى أيضا فى منتدى اخر بأسم

( مصر الحبيبـــــه )

يــامصر هبي فالعروبة تشتكِ
وابقي منارا للعلـــوم تدفقِ
لا تخذلين المسلمين فأنكِ
يبنى عليك المجد دوما والرقِي
فاق التصور والذهول أصابني
فجحافل التخريب عندك تلتقي
أبنائك جهــــلوا بأنك أرضهـــم
تهوين والأعداء فيك تحدقِ
مهلا رويدا إن مصــرا أمنا
ياتاج رأس العرب وسط المشرقِ
سعد اليهود بما يكون بأرضنا
والغرب راحت تزدريك وتضحكِ
تلك الجوامع والمدارس شاهدا
تبكي عليك وكل قلب يحرقِ
من قبلة الإسلام أرسل دعوة
ياليت نارا اليــــوم حالا تنطفي
فلترفعوا كف الضـــراعة للذي
سبك السماء لعلكي لاتشنقِ
يا عاشق الأشعار امضي مسرعا
فالخطب يقوى علكي لاتسرقِ
وختامها ارجوا بان تبقي لنا
ولعالي الأمجـــــــاد دوما تسبقِ

منقولــــه

الله عليك قصيدة جميلة بس
وقتها انتهى على ما اعلم ان خلاص الشعب
ازال البارومة والصدأ
وجميل ما كتبته يا مدير
شكرا لكما