اصل انا مزارع

احنا الناس اللى هيه نزرع كل الارض خيار
نزرع بطيخ نزرع كوسة نملاها طماطم وخيار
ارضنا غالية وقتنا غالى احنا الكسيبة الشطار
قبل الليثى قالنا والى بلا اردب بلا قنطار
ازرع كانتلوب غالى وفراولة باعلى الاسعار
انت بتجرى ورا رغيفك احنا بنحلم بالمليار
انت بتاكل عيش بسوسه احنا بنملاها كافيار
صحصح يالا ياعم اليد بيع المنجل والجرار
بيع الارض وروش نفسك وابنى الفيلا مكان الدار
سيب الطين والكم الواسع سيبك من القلة والفخار
يا تكون فوق وتعيش فى العالى يا تعيش تحت وتبصبح فار
بور ارضك سنة واتنين اسعارها هتولع نار
اعمل مول او اعمل سنتر او شغل نفسك سمسار
اما مارينا ابعد عنها وادعى لاصحابها الابرار

بالصلاة علي النبي علي المزارعين مشاء الله عليك ياعدوابي

كلام جميل والاجمل اللى كاتبه

مشكور ياباش مهندس على حس الناس ان يهتموا بالزراعه

تسلم ابو سعيد

منظومه جميله ومشكور عليها وربى يزيدك تألق

بسم الله مشاء الله عليك يامستر
بجد حسيت بى كل كلمه انت كتبتها من اروع الكلام
الى هز قلبى ومشعرى بجد
لان فعلن هو ده الى لازم يتعمل فى الوقت الحالى
انك تزرع وتقلع وتاكل من خيرها
بس قول للزمان ارجع يازمان
الطمع فى الدنيا بيزيد يوم عن يوم
(الفلوس تعمى النفوس)
اشكرك كل الشكر على هذه الكلمات الجميله


تقبل مرورى

هشام العكرمى