وركبت حنطور الزجل

فى مرة حسيت بالزعل وصرخت ونسيت الخجل
وركبت حنطور الزجل وقلت كرباج ورا ع الكدابين
والغشاشين والافاكين والظلمة والمفتريين
كرباج ورا عالفنانين اللى فى الوهم عايشين
ونسيوا الناس المطحونين من غشهم زاد الانين
كرباج ورا عالاغبيا بيدلعوا فى الاغنيا وهجروا
وصايا الانبيا
بقت الحياة متشفرة
كرباج ورا عالمجرمين بيطيعوا ابليس اللعين
بالعربدة متلفحين قلبوا شاشتنا مسخرة
كرباج ورا عالكسلانين جوة المراتب محشورين
وعالكراسى مبلطين خلوا البلد ترجع ورا
كرباج ورا عالمنظرة على ندل عامل عنترة
يعذب الناس فى الدرا وحط الامل فى المقبرة
كرباج ورا عالملحدين مستهدفين طه الامين
بيقولوا ايه ؟ فناننيين وهما ناس متأخرة
كرباج ورا عالغفلانين سايبين عصابة مجرمين
ويهينوا كل المصلحين حبة علل متنتورة
يااااااااااااااااا ربجى شد اللجام
كربج على ولاد الحرام
وادبها من تحت الحزام
اوغاد وعاملين شوشرة

أيه الجمال والروعة دي دائماً تتحفنا بكلامك الجميل الرائع
وفقك الله لما يحب ويرضى

كرباج ورا

ع المفسدين اللى بيتاجروا

فى المطحونين

ويقولوا احنا المصلحين

وهما آخر افترى

كرباج ورا

على ابن الشوارع اللى

بيعانى ويصارع

وفى الجريمه حيبقى بارع

ونبص له بالانعره

كرباج ورا

على البطاله اللى

خلت حالتنا حاله

خلاص ولادنا بقيوا عاله

وحالتهم مش متيسره

تحياتى الى اخى واستاذى العدوابى وشكرا له لاهتمامه
بقضايا المجتمع وهمومه التى لا تعد ولا تحصى

ابو عمرو

مشكور على الكلام الجميل يا ابو سعيد