شعر_فى بلدنا_مقدمه/أبو صبره

السلام عليكم ورحمه الله وبركاته
بعد السلام والتحيه
مساء الخيرات والجمال والأنوار
لكل أعضاء منتدى عاصمة الجنوب منيحة
تحية طيبة لكم جميعا من القلب وبعد
أقدم لكم اليوم شعر جميل حقا وكثير معبر عن ما يحدث فى بلدنا بالوقت الحالى
أتمنى من الله أن ينال أعجابكم جميعا
وأليكم الأن الأبيات


فى بلدنا

فى بلدنا
أول ما العيل يِطْوَّل حبه
وتشيله رجليه
يبدأ كل صحابه
يِفَتَحُوا فى عينيه
أيه رأيك فى البنت فلانه ؟!
دى حلوه
والتانيه ديّ غَلْسَّانِه
والبِنت البيضه
أم ضَفاير صفره بِتِتْمايِل
وِتْهِزْ بِوِسْطْ
وجسمَها فاير
والقمحيه شايله الزَّلْعَه
ويْبُص الواد
ويقول : مايعه !!
ويفتَّح فى عينيه الأصحاب
يمشى ويفتَّّح كُل الأبواب
صَيَّاد وعايز يِصطاد
وِشِباكُه فارْدَه على كُل مِدَاد
ويُقَف على ناصية شارع
يُصْفُر .. يِتخانِق .. يِتْصَارِع
ماهو عايز يبقى فِتوه
ولا كل الفِتوات
علشان ما يبقى الفارس
فى قلوب كل البنات

والبنت الحلوه العايقه
بِتتمايل كالمُرْجِيحَه
وطُول ما شباب الحِته واقفين
تلاقيها جايه وريحه
تِكبر والقُصه بِتِطوَل على قورتها
وبتدلى
أبيض وأخضر وأحمر
وبكل الألوان تَتْحَلَّى
عايزه عريس
خايفه ل تِبُور
وعيونها مِهاجره تِلف تِدور
بِِتدوَّر على أحلى العرسان
ما يهمش إن كان
دكتور وللا شيال
بيهم الواحده
إن الراجل
يُسْتُر بيته ويسعدها
ويِمْلا دَارها عِيال !!


وفى النهايه أتمنى من الله تعالى أن يكون الشعر قد نال أعجابكم الكريم
وبأنتظاركم عقب قرأته بتعليقاتكم الساحره له جميعا
ولكم منى أجمل سلام
بارك الله لكم وفيكم جميعا
وجزاكم الله تعالى كل خيرا
ودائما من نجاح الى نجاح يارب العالمين
وتقبلوا خالص تحياتى لكم جميعا
وأخرة كلامى سلام الله عليكم ورحمته وبركاته
سالم ابو صبره

سلام عليكم
بعد السلام والتحيه
مساء الخيرات لكم جميعا
تحية طيبة لكم جميعا من القلب وبعد
تسلموا تسلموا جميعا
أتوجه بخالص الشكر والتحيات
لسيادة المدير العام
والمشرف المتميز دائما بالمتابعات /تامر أبو عبد الله
لمروركم الطيب الجميل
نورتوا وعطرتوا صفحتى
بمروركم هذا لها
بارك الله لكم وفيكم جميعا
وجزاكم الله تعالى كل خيرا
وتقبلوا تحياتى لكم جميعا
ودائما من نجاح الى نجاح يارب العالمين
ولكم منى أجمل سلام
واخرة كلامى سلام الله عليكم ورحمته وبركاته
سالم ابو صبره