ازاى تعرف المصرى من بين 1000 واحد

- لو سألت سواق تاكس على عنوان وبدل ما... يدلك قالك امشي ورايا.. يبقى مصري.
وعلى فكرة ساعات بيغير اتجاهه عشان عنده رغبة صادقة يوصلك وخايف تتوه
- لو صليت في مكان وبعد الصلاة اللي جنبك مد ايده وقالك تقبل الله.. يبقى مصري

- إذا سمعته بعد أن يضحك كثيرا يقول " خير اللهم إجعله خير " .. فتأكد أنه مصري ...

- لو إتصلت بيه في التليفون , وقال لك من غير مناسبة " كل سنة وإنت طيب " .. فتأكد أنه مصري

- لما تقابل واحد وتسأله وعمره مايقول "ما أعرفش!" جينيوس مصري

- لما تنزل تلاقي واحد ساند على عربيتك واول ما يشوفك يضحك ويقولك لا موأخذه يا باشا
- لو دخلت عليه وكان بياكل ولو حتى عيش وبصل لازم يقولك اتفضل الأكل ويعيدها عليك ثلاث أربع مرات

-. و لما ركبه تخبط فى بعضها من الرعب و هو داخل القسم يعمل بطاقة الرقم القومى ........................ هو ده المصرى

-و لما عربية تعمل حادثة فى الطريق الصحراوى أو الزراعى , و فى ثوانى تقف
لها خمسين عربية ينقذوا المصابين و يعدلوا العربيات و لو اضطروا يشيلوهم من
على الأرض .. هم دول المصريين

- لما تلاقي ناس بتقضي العيد فى المقابر مع حبايبهم اللي ماتوا يبقي أكيد في مصر

- لما تلاقي سيدة في الرايحة والجاية عمالة تدعي لأولادها وتخلى الدنيا
تدعيلهم... تبقى دي أم مصرية وطموحاتها وأحلامها الشخصية فى الحياة إن
ولادها يبقوا مبسوطين

- لو شفت واحد وقف فجأة و هو ماشى فى الشارع
و مد ايده على حتة عيش مرمية على الأرض وقام رافعها لراسه قبل مايحطها جنب
الرصيف... يبقى الواحد (او الواحدة) ده مصرى.

- لو شفت عامل اول ماخد اجرته قام رافعها لراسه و بص فوق و حمد ربنا قبل مايحط الفلوس فى جيبه ... يبقى مصرى.

-لو اديت لواحد فلوس وبدأ يعدها بصوت عالي وبدأ بقوله الله واحد .. ومع
الورقة الثانية : مالوش تاني، ومع الورقة الثالثة: العدد ثلاثة .. يبقي
أكيد مصري ابن مصري

- لو شاورت لتاكس ووقفلك فى نص الطريق عشان تركب حضرتك بمزاج يبقي أكيد مصري

- لما تيجي تدفع الأجرة لواحد أول مرة تعرفه، يحلف عليك تخلي بأه

- لما تلاقي خناقة فى الميكروباس والأصوات عليت كل واحد فيهم بيحلف إنه يدفع للتاني ثمن التذكرة

-. لما تلاقي ست البيت بتحوش برطمانات المربي الفاضية سنين طوال بدون استخدام يبقي أكيد دي مصرية

- لما يكون عندنا ضيوف ويسلموا عشان هيمشوا ويقفوا على الباب يتكلموا ساعه يبقوا مصرين صميمين

- لما تلاقى اننا شايلين اكياس من جميع الاشكال والالوان تحت المرتبه نبقى مصريين

- ولما تلاقى شعب فى اكبر ازمه بيمر بيها ... مابينساش يضحك ويطلع افيهات
ويضحك اللى حواليه
وكل العالم يتكلم عليه وعلى خفته

يبقى انت اكيد تقصد اعظم شعب موجود على الكرة الارضيه... شعب مصر
مع احترامي لجميع شعوبنا العربيه كلنا اخوات مهما حصل بينا

ههههههههههه

الله يجزيك خيـــــر يا شيخ

فعلا انت مصرى

ويشرفنا بانا مصريين
ولا ننسى قول استاذنا مصطفى كامل

لو لم أكن مصرياً لودت أن أكون مصرياً

اسعد الله قلبك

وارجعنا الله الى بلادنا مصر الحبيبه اخى ابو حميـــد

مشكور الاخ الحبيب محمد عبدالله
اسعدنى مرورك الطيب
بارك الله فيك ومانتحرم منك

أعظم شعب في الوجود فعلاً وأطيب شعب
جزاك الله خير الجزاء يا أخينا أحمد ...بســــــــــ لو يبطلوا شوية الحركات بتاعتهم ويوجد هناك سلبيات كبيرة وخاصة وأنت في الغربة وعارف أنه الأنسان عنوان لبلد فيه شوية سلبيات كبيرة لو يبطلوها فعلاً سوف يكون أفضل شعب .
اما تسالني عن أفضل شعب في العالم والله اقولها لك والله على ما أقول شهيد هو الشعب الأسواني جمع كل الصفات الجميلة بين الشعبين السوداني المصري وكون افضل شعب يحمل الخصال الجميلة والله والله قدر ما سافرت وعاشرت اجناس لم أجد مثل شعب بلادي وخاصة البلاد القومية وعلى رأسها منيحة وبنبان هم عنوان مشرف لجميع القرى وافضل الأجناس عن تجربة ودون تحيز .

ممتاز يااااااااااا
مصــــــــــــــري
تسلم يا وديان

مشكور عمنا الحبيب الحاج كمال العبودى
على الكلمات الجميله وصدقت والله فعلا شخصيتك عنوان بلدك واحلى من اسوان وكل ماحد يسئلك انت من فين تقول انا من اسوان يقولك اجدع ناس واحسن نا س محترمه وطيبين
مشكور ابوحمدى الزعيم اسعدنى مرورك الطيب
بارك الله فيكم ومانتحرم منكم