إهداء لجميع أعضاء المنتدى ولكل منيحاوي ومنحاوية لكل زول ليه قيمة ............ كلمات جميلة

كلمات / قاسم الحاج

لو اعيش زول ليهو قيمة اسعد الناس بوجودي

زي نضارة غصن طيب كل يوم يخضر عودي

ابقي دار لكل لاجئ او حنان جوه الملاجئ

ابقي للاطفال حكاية حلوة من ضمن الاحاجي

بيها يتهنو و ينمو واحرسم طول ليلي ساجي

والقي في راحة نفوسهم بسمتي وطول ابتهاجي

- - - - -

لو اعيش طول عمري نسمة .. أو مع الايام سحابه

اهطل ادي الدنيا بسمة .. أروي وادي واسقي غابة

لو اعلم طفل واعــد .. لسه ماعـِـرف الكـتــابة

أبقى شجرة ظلالها ورافة .. تحتي نايمين ناس تعابة

- - - - -

أشقي والقي وابقي بهجة .. في النفوس لكل مناضل

ابقي للمعتل علاجو .. وابقي للفــلاح ســنابــل

ابقي للثـُـوّار سلاحم .. اعتي من قذف القنابل

وابقي للكادح المـُـلوَّح كلُ حل موفــور وعـــادل

كليمات جميله

رائع حاج كمال

بارك الله فيك

كل الشكر والتقدير للزواقين فعلاً للحبيب أبو حمدي صاحب الزوق الرفيع وإلى أختنا العزيزة الفاضلة الراقية جداً جداً أم مؤمن الذي دائماً يسعدنا ردها ويهمنا رأيها ، والعريس المتقدم حمادة ربنا يسعده كل الشكر على ردهم القيم ، كذلك الشكر موصول إلى أخينا أحمد عبد القادر الوديان كل الشكر على رده الجميل والشكر الجزيل إلى ولدنا الحبيب الغالي محمد العجيز كل الشكر على رده الجميل والشكر موصول إلى أخينا الحبيب الغالي العبادي عبد الله محمد صالح إبن العم الحبيب على كلماته الراقية جداً كل الشكر كذلك أشكر الإبن الحبيب الغالي حمادة الزين كل الشكر للجميع على المرور في صفحتي هذه .
ومازلت أهدي هذه الأبيات إلى أصحاب الزوق الرفيع أبناء وبنات بلدتي .
تحياتي للجميع

بارك الله فيك ولدنا المحبوب بلال وربنا يعطيك ألف عافية
تقبل تحياتي

لو أعيش زول ليهو قيمة أسعد الناس بوجودي .