يا الله تفرج همومى وهم كل قلب حزين

بسم الله الرحمن

يالله تفرج همومي وهم كل قلب حزين

الحزين اللـي ينـام وفـي عيونـه دمعتيـن
كنه فـوق الجمـر نايـم لا تقلـب تستعـر

ألف آه ٍ وسط جوفه ما رضـا يـوم ٍ تبيـن
كاتم العبـره ولكـن دمـع عينـه ينحـدر

ماعلى لسانه سوى كلمة عسى ربـي يعيـن
وخز سيف ٍ في صميمه كل ما قيل " الصبر "

ما انفطر قلبه على حزنه ولا ضيـم السنيـن
مير ظلم اغلى الحبايب شاعـل بقلبـه جمـر

بس يا همومه كفاااااايه وش بعد أكثر تبيـن ؟
من كبر همه وحزنه صـار هـاوي للشعـر

شوفي كيف أبدع بوصفك من كثر ماهو حزين
كل من يقرا سطوره خاطـره منهـا انكسـر

عيّت الفرحه تزوره وعيّـا حظـه لا يزيـن
في خفايا الروح يبكي ويبتسـم بيـن البشـر

وقته القاسي كسر به ما رضا لحظـه يليـن
ما شكى كثرة همومـه غيـر للـي مقتـدر

واحد ٍ يعلم بحالـه .. خالقـه هـو المعيـن
يطلب الله في صلاته يـرأف بحالـه القـدر

ويالله تفرّج همومي وهم كـل قلـب ٍ حزيـن
وترزق المهموم بسمه عقب ضيقات الصـدر

اللهم فرج كل الهموم الحزينة الطاهرة
ولكن نقول كل شى من الله عز وجل فالنقبل به
بكل حب واحترام وخضوع للمولى عز وجل

والف شكر الاستاذ خالد على ما قدمته لنا
الله يعطيك العافية
تحياتى الى روحك الطيبة

بسم الله الرحمن

مشكور

اخى الطيب